2. De divinis Nominibus. (Margarita Exorcistarum.)
4. Oratio de Incarnatione Christi.
6. In laudem Dominicae nativitatis.
13. Oratio devota et compunctiva.
14. De Nativitate et Morte DN.
18. De passione Domini Oratio.
40. Oratio sub Elevatione dicenda.
42. In Elevatione Corporis Christi.
43. Ad Elevationem Corporis Christi.
46. Ad Elevationem Sanguinis. I.
47. In Elevatione s. Sanguinis.
49. De Nominibus et Titulis BMV.
74. De Gaudiis BMV In Nativitate BMV.
86. Missa Sanctae Mariae Virginis.
87. Alphabetum archangelicum in laudem BMV.
90. Jubilus de singulis membris BMV.
94. Acrostichon super Ave Maria.
104. Oratio de V. M. matre Jesu.
129. Litania Omnium Sanctorum.
130. Litania Omnium Sanctorum.
132. Litania Omnium Sanctorum.
133. Litania Omnium Sanctorum.
139. Oratio ad omnes Apostolos.
151. Ad Angelum Custodem oratiuncula.
188. De ss. Johanne Baptista et Johanne Evangelista.
189. De s. Johanne Evangelista.
205. De ss. Martino et Brictio.
209. Item alia oratio ad eundem martyrem sine nomine vel ad s. Victorem.
220. Visio sancti Morandi Allatis.
223. De Praelatis et Subditis.
228. De Conductu in itinere Hierosolymitano.
230. Hymnus confundens Gregorium, alias Errorium, olim papam.
1. Ave, virgo, Dei templum,
Castitatis et exemplum,
Ave, virgo, candens caelum,
Inde lumen dans serenum.
2. Ave, virgo, juvans mundum
Corruentem in profundum,
Ave, virgo, quae infernum
Vincis tenens jus supernum.
3. Ave, virgo, quae per natum
Mortem sternis et peccatum,
Ave, virgo, morti datum
Tuum ora pro me natum.
4. Ave, clemens imperatrix,
Terrae, coeli dominatrix,
Ave, clemens et amatrix
Et virtutum operatrix.
5. Ave, clemens vitae datrix,
Vitiorum enervatrix,
Ave, clemens miseratrix
Peccatorum, non peccatrix.
6. Ave, clemens expiatrix,
Culpae lapsis reparatrix,
Ave, clemens mediatrix,
Quaeso, mei sis salvatrix.
7. Ave, sponsa, florens vitis,
Cujus fructus botrus mitis,
Ave, sponsa grata cunctis,
Pia vivis et defunctis.
8. Ave, sponsa salutaris,
Dulcis rebus in amaris,
Ave, sponsa singularis,
Caecis splendens lux solaris.
9. Ave, sponsa potens satis,
Me tuere a peccatis,
Ave, tuis gemma lucens,
Majus solis lumen ducens.
10. Ave, tuis decor splendens
Et in noctem non offendens,
Ave, tuis lux ostendens
Claritatem et praetendens.
11. Ave, tuis sidus fulgens,
Ut aurora mane surgens,
Ave, tuis pacem ferens,
Inimici vires terens.
12. Ave, tuis zelo degens,
Vitam praebe nostra regens,
Ave, mater speciosa,
Albens manna, rubens rosa.
13. Ave, mater plus decora
Sole, luna et aurora,
Ave, mater absque mora
Cuncta poscens omni hora.
14. Ave, mater rubes signis
In figuram ardens ignis,
Ave, pia meta mortis,
Et coelestis lux cohortis.
15. Ave, via vitae portis,
Paradisi flos in hortis,
Ave, pia hora mortis,
Da jus mihi primae sortis.