58. In Assumptione BMV.

1. Grande signum coelum pandit,
Angelorum coetus clangit

Occurrens cum laudibus,
Se praefulgens lux expandit,
Christi mater dum hoc scandit

Vestita duplicibus.

2. Haec de mundo mater munda
Mitis scandit ut columba,
Super solem splendida,
Omni laude laetabunda,
Jam nec prima nec secunda
Visa est tam candida,

3. Natus locum praeparavit
Et festinus obviavit
Coeli cum militia,
Matrem suam honoravit,
Cum se secum collocavit
Dulci modulantia.

4. Ad hanc natus mox descendit
Et cum matre mox ascendit

Ad suprema gloriae,
Nihil obstat, nil offendit,
Sursum vadit, sursum tendit

In signum victoriae.

5. Virgo mater exaltaris,
Ubi laeta contemplaris

Regnantem in gloria
Et conregnans conregnanti
Consedebis judicanti,

Virgo plena gratia.

6. Carne sua non consumpta
Virgo mater est assumpta

Integre realiter,
Collocata super cuncta,
Dulci nato dulcis juncta,

Tene sic non aliter.

Sic affirmant sancti patres,
Sic tenete, mei fratres,
Fortes unanimiter.

7. Elevata sedes poli,
Praeparata nuhes soli

Ad suprema sidera,
Oblivisci, virgo, noli,
Tolle, mater, quod est doli

Nostra pians scelera.

8. Incorrupta, tota viva
Et innupta mater diva,

Coeli tenens solium
Exaltaris, coronaris,
Dominaris, jucundaris
Amplexando filium.

9. Qui praecepta legis dedit,
Honorare matrem, pegit

Et matrem prae ceteris ;
Ergo matris legislator
Si non esset venerator,
Hunc culpare poteris.

10. Non desperes trepidando,
Perseveres affirmando,
Non relicto corpore
Mater Jesu quin assumpta
Sit in coelum nato juncta
Vivens sine tempore.

11. Ubi natus, sibi mater
Trabeatus est et pater

Sacro cum spiramine,
Solidata carne pura,
Verbi patris genitura,

Munda nos a crimine,
Erubesce, contremisce,
Qui non credis, matrem esse

Assumptam cum corpore.

12. Noli fari, quod ingratus
Dulci matri fiat natus,

Quem lactavit ubere,
Cujus alvus hunc portavit,
Quo fit salvus, quem damnavit

Lapsus Evae miserae.

13. Die tu mihi, rogo pie,
Ubi corpus sit Mariae

Sepulchro non inventum ?
Si tu dicis, quod ablatum
A Judaeis nec relatum,

Ab eis sit retentum ;

14. Certe, dico, non est verum,
Coronata tenet coelum
Juxta nati brachium,
In excelso throno sita,
Natum colens est in vita
Paradisi ostium.

15. Quod sic probo ratione
Et aperta sanctione

Potest verificari:
Nonne vides in hac vita
Multis fucis polimita

A natis honorari
Patrem, matrem reverenter
Diligenter, excellenter

Ab eis ministrari?
Ergo matri minus gratus
Non de jure fiet natus

Altrici singulari.

16. Est assumpta virga Jesse,
De qua vitae fluit esse,

Anima et corpore;
Fides tenet sic professe,
Quod affirmo verum esse.

Nati fulta robore,

17. Transit ad aethera
Virgo puerpera,

Virgula Jesse,
Non sine corpore,
Sed sine tempore

Tendit ad esse.

18. Vere scio, vere credo,

Quod in carne non putredo
Sit Mariae virginis,

De qua natus est dulcedo
Deus homo sine foedo
Foetore putredinis.

19. Cum sanctorum visitantur
Loca donis et ditantur,

Ut aperte cernitur,
O quid dicam, si Mariae
Terrae datum matris piae

Corpus sit nec colitur.
Matrem natum, si sic esset,
Contempisse, dici posset,

Sed hoc nunquam creditur.

20. Caro namque Jesu cara
Est Mariae caro clara,

Matris praedulcissimae;
Sic affirmat Augustinus,
Fons abundans coelestinus
Doctrinae clarissimae.

21. Aulam sacram virginalem
Rex servare maternalem

Cum pudore voluit,
Ergo matrem incorruptam
A foetore sibi nuptam

Custodire debuit.

22. Deo lacu in leonum
Danielem servum bonum

Conservare placuit,
Vestes trium pueroram
In fornace positorum

Non comburi pertulit ;
23. Ventre ceti Jonae vita
Est potenter custodita

Deo placentissima,
Ergo mater Jesu tanta
Fari posset quisquam, quanta

Laude sit dignissima?
Nisi quod sit elevata,
Secus natum collocata

Corpore et anima.

24. Nomen matris lucis astrum

Vel odoris alabastrum

Sensu suavissimum,
Corpus Dei, verbi castrum,
Hortus clausus, patris rastrum,

Fructum ferens optimum.

25. O regina, quam superni
Cives laudant et inferni

Tremit domicilium,
Splendoris praebe paterni
Nobis lucem et aeterni

Flaminis solatium.
O nomen dulce

Mariae tristiae mulce.