178. De sancto Georgio.

1. Salve, martyr gloriose,
Ave miles pretiose,

Christi flos militiae,
O Georgi gratiose,
Germen stirpis generosae

Gentis Kappadociae.

2. Salve, crucis vexillator

Et virtute triumphator

Coelestis signiferc,
Per quem sola regis nata
Est a fauce liherata

Draconis pestiferi.
3. Salve, miles summi Dei,
Per virtutem sanctae spei

Superans daemonia,
Et pro Christo mente laeta
Hujus mundi pompa spreta

Despexisti omnia.

4. Salve, victor in tormentis,
Fide constans verae mentis

Spreta idolatria,
Post tormenta decollatus
Et cum sanctis exaltatus

In coelesti patria.
5. Salve, martyr, spes Anglorum,
Dux et decus bellatorum,

Honor te colentium,
Alme Christi proeliator,
Sis benignus defensator

In te confitentium.

6. Ora Christum, Christi care,
Et Mariam deprecare,

Ut devictis hostibus
Hic possimus triumphare
Et post mortem conregnare

Tecum in coelestibus.