18. De passione Domini Oratio.

1. Salve, Jesu, salus mea,
Crucifixus a Judaea

Crucis in patibulo,
Qui livore dirae gentis
Pro me datus es tormentis

Judaeorum calculo.

2. Et hoc totum fit pro pomo,
Quod praesumpsit primus homo

Manu temeraria ;
Ne periret creatura,
Tu, creator, inde dura

Pateris supplicia.

3. Pro me totus perforatus,

Pro me totus saturatus

Poenis et opprobriis ;
In te latens illud aurum
Mihi fundis in thesaurum

Manibus et pedibus.
4. Vertex spina cruciatus,
Glavo manus, pedes, latus

Cuspidis aculeo ;
Vulnus istud omnes sanat,
Unde nobis unda manat

Liquore sanguineo.
5. O quam felix apertura,
Quae per aevum permansura

Nobis regna aperit,
Pretiosus iste sanguis,
Per quem victus fuit anguis,

Se confusum reperit.

6. Nunc te cerno Christum Jesum,
Passum, tractum, sputum,caesum

Atque plagis lividum,
Ne punirer flammis atris,
Exspirans in manus patris

Pro me tradis spiritum.

7. De te clamat Jeremias:
O vos omnes, qui per vias

Transitis, attendite,
Si est dolor huic dolori,
Quo compellor ita mori,

Similis, adspicite,
8. Circuire possum polum,
Mare magnum atque solum,

Te neque reperio,
Nisi sola crucis ara,
In qua pati tot amara

Fecit te compassio.
9. Ibi pascis, care meus,
Ibi dormis, alme Deus,

Cubans in meridie,
Exprobratus, subsannatus,
Totus membris cruentatus

A filiis perfidiae.
10. Ibi pro me flagellaris
Ibi pro me lacrimans

Sed felici lacrima;
Funde fontem lacrimarum,
Fac, ut per te sit amarum

Cor et tristis anima.

11. Absit mihi gloriari
Nisi cruce singulari,

Ubi vera gaudia ;
Pelle morbum, da salutem,
Fuga crimen, da virtutem,

Pia crucis hostia.

12. Te salvante sim salvatos,
Te vocante sim vocatus
Dono sancti spiritus ;

Tu qui donas omne donum,
Dona mihi finem bonum
Et felicem exitum.

13. Jesu dulcis, esto mecum,
Sume, precor, vota precum,

Natus alma virgine ;
In hoc mundi tristi salo
Me ab omni serva malo,

Salus mea, Domine.