122. De B. Maria V.

1. Domine fac labia.

reserari clausa,
Ut pro nati gloria

sint resonare ausa
Mariae matri virgini

Laudes sine pausa.

2. Deus in auxilium

meum nunc intende,

Domina subsidium
mihi jam impen de,

Ut non in exsilium
ruar, me defende.

3. Venite, mas et femina,
jam tempus exsultandi,
Exsurge laetissima
modo jubilandi,
Praeoccupando faciem
Dei confitendi.

4. Quia magnus Dominus,
Deus rex, plus quanto
Quovis multiplicius,

venerari tanto
Cunctis difficilius,
ipsum sed amato.

5. Singula, quae maris sunt
et terrae, tuo ductu
Reguntur et perficiunt

abundanti fructu,
Me, qui mare, aridam
fundasti, pie duc tu.

G. Ut hodie concipiam
et semper tua mira

Et vocem tuam audiam
concrepante lyra

Jussaque perficiam
fatiga sine dira.

7, Scio te praecipere

parentes honorare,
Hinc matrem tuam, Domine,

desidero amare
Et ei laudis carmine

cordicitus sonare.

8. Ave, radix regia,

concepta sine humo,

Designata mystico
non conubusto dumo,

Et crevisti subito
humilitatis fumo.

9. In ramos fortilissimos
plantatos Dei manu,

In quibus sedent spiritus
septem Dei manu,

Dona per quae funditus
es florens Dei manu.

10. O stilla nobilissima
conceptus virginalis

Pura tenuissima
nmditia finalis

Purga immundissima
malitiae brutalis.

11. Salve, nata typice

figuris scripturarum,

Tibi vox hymnidice
dicta prophetarum,

Es cunctis plus veridice
Deo munus carum.

12. Te signat urna aurea
et concha rore plena,
Te notat scala coelica
et virga sat amoena,
Te ara thymiamatis
et arca, o serena.

13. Stilla roris, odor floris,
fons dulcis suavitatis,
Nata sine crimine,

flos vernae novitatis,
Genitos de crimine
jungito renatis.

14. Gaude, gaude inclita,

Ave, salutata
Voce ab angelica

quasi tremulata,
Pavens ista mystica,

nunquam violata.

15. Mox est tibi gratia

partus condonata,
Sed nunquam tua viscera

sunt vere onerata,
Hinc potestas deica

est magnificata.

16. Virgo, quae affabili

sic verbo respondisti:

Ecce, serva Domini,
fiat, ut dixisti,

Fac, simus prompti famuli
concepti Jesu Christi.

17. Plaude de magnalibus,

beata quia dicta,
Montana sine gravibus

quando es addicta,
Elisabethque domibus

sancte benedicta.

18. Partus tuus undique

Sic salutabatur,
Qui a te sola nullique

cuiquam norabatur,
Clauso partu denique

tibi revelatur.

19. Vox tua, quae in utero

infantem animavit,
Dicat Jesu Domino,

qui te in habitavit:
Reum reconcilio,

hinc Deus me creavit.

20. Laude plaude, salve, gaude,
fecunda coeli nuntio,

Perfecta in te dicta sunt,
quia natum gremio

Continens et vincla sunt
soluta tuo genito.

21. O columna sanctitatis,

quae gaudiosis manibus

Fers columnam firmitatis,
qua substat Deus omnibus,

O tutela libertatis,

laelemur tuis plausibus.

22. O medela sanitatis,

quam magistralis medicus.
Solo ortus trinitatis,
o coraula coelicus,
Fac gaudere lenitatis,
mentem cura penitus.

23. Vale, consolaberis,

moestissima dolore,

Cum filium perdideris,
Certissima amore,

In templo hunc inveneris
disputantis more.

24. O moesta, qui per triduum
sic a te quaerebatur,

Dubia te nimium
morte immolatur,

Nobis sacrificium
sicque pascha datur.

25. Nunc, virgo, sis laetissima,
natus jam resurrexit,
Frangens loca tristia
et coelos ire dixit,
Pneuma sacrum dirigens
sic suis benedixit.

26. Vale nobis, domina,
demum es datura,
Cum post multa tempora

sis hinc migratura,
Suspirans quasi languida
filium post cura.

27. O quis faneralibus
fratres interesse

Fecit, nisi Dominus,
colligens in messe

Fructus mirabilius,
det nobis tecum esse.

28. Virgo, mater regia,
coelis fis invecta,

Rege nos egregia
in via tuta recta,

Ut munda habitacula
simus et electa.

29. De profundis, Domina,
exaudi, qui clamamus,

Sis auribus propitia,
qui vocibus rogamus,

Servatur si malitia,
nescimus qua sistamus.

30. Sed propitiatio

est apud te, speramus,
Hincque sustentatio,

illuc spe curramus,
Ut tua deprecatio

nos juvet, ut oramus.

31. Ab ortu solis Israel
usque ad occasum

In te sperat Michael,
saives ut occasum,

In quo friget Uriel,
ne tendat ad occasum.

32. Concepta, nata, salutata
Montana pergens gratitudo,
Assumpta, nata, hilarata,
Aetcrna regna speculando,
Accepta pacta tecum facta,
In laude regulando,
Quosvis tua gratia
Inducas te affando.