164. De sancto Bernhardo.

1. Ave pater et patrone,

Bernharde sanctissime,
Es suavis in odore

Sonans hoc es nomine;
Fragrans nardus es Bernharde,

Odor namque coelitus
Te a mundi traxit fraude

Et replevit penitus.

2. Adhuc in, matris utero

Per catulum signatus
In adversanti populo

Acutos das latratus,
Huic mundo procreatus

Eras bonae indolis,
Cunctis placens atque gratus

Es ad cuncta docilis.

3. Ab ipsa mox infantia

Polles bonis moribus,
Devitas, quae sunt noxia,

Verecundus, providus,
Ad salutis iter tendens

Declinasti publica,
Lignum vitae apprehendens,

Quod fert dona plurima.
4. Clara natus parentela

Caenosum fugis mundum.
Conversando abs querela

Tu tollis Christi jugum.
Vitam amans spiritalem

Intrasti coenobium,
Ubi te ostendis talem,

Quod es vitae speculum.

5. Salve, vas suavitatis.

Bernharde melliflno,
Es in scriptis dulcis satis,

Vincis mel dulcedine ;
Te qui legit, experitur,

Se gustasse suavia,
Sensus ejus aperitur,

Et exsultant viscera.

G. Pietate redimitus

Es virtutum scrinium,
Naufraganti pandis litus,

Iter praebens regium,
Durus corporis castigator

Subdens hoc spiritui,
Disciplinae es amator

Nihil ferens vitii.

7. Curam geris pastoralem

Multis cum laboribus,
Verbis, factis efficacem

Reddis te in omnibus,
Es lucrator animarum,

Multos mundo subtrahis,
Ad salutem tendens harum

Dei verbo reficis.

8. Tu fidelis pastor eras

Ovem portans humeris,
Temetipsum impendebas

Obvians periculis ;
O pater, sub te vivere

Tutum valde fuerat,
Nam, qui decessit, libere

Coelum mox conscenderat.

9. Gaude, pater gloriose,

Dei fultus gratia,
Nam virtutes copiosae

Facis et prodigia,
Nardum tuum fundis late,

Bonus odor saeculi,
Totus flagrans caritate

Dei atque proximi.

10. Ad odorem tantae nardi
Confluebant populi,
Caeci, surdi, muti, claudi
Atque daemoniaci,

Per te, pater, Iii curantur
Lactiquc abierant,

Deum laudant et mirantur
De his, quae audierant.

11. Quocunque loco veneras,

Opem quisque flagitat,
Miranda, quae patraveras,

Quis effari valeat ?
Morbos sanas, desperatos

Simulque freneticos,
Discordantes facis gratos

Persequens haereticos.

12. Columna tu ecclesiae,

Contra graves impetus
Subveniens angustiae,

Gaudet omnis populus,
Ordo Cisterciensium

Gaudet tuis meritis,
Cunctorumque claustralium

Vota nunquam despicis.

13. Vale, pater venerande,

Mundum istum deserens,
Plenus manens omni laude,

Pondus carnis exuens,
Sicut nardus fragrat late,

Mundum hunc replcverab
Et ad Deum, pater alme,

Semper anhelaveras.

14. Vitae tuae complens cursum

Es adeptus gloriam,
Conscendisti montem sursum

Ad plenam scientiam,
De mundo isto sterili,

Qui plenus est moerore,
Ad Deum fructu fertili

Conscendis cum honore.

15. Profecto nunc potentior

Intrans in potentias,
Ad impetrandum gratior,

Quam in terris fueras,
Te a mundo hoc sublatum

Plangunt omnes populi.
Et ad coelos te translato

Jucundantur angeli.

16. Glaravallis, tu lactare,

Apud te est conditus
Hic patronus, qui te clare

Ditat nunc honoribus,
Opem ejus implorare

Omnis debet populus,
Ipsum volens invocare

Supplex dicat famulus:
17. O patrone, mi Bernbarde,

Meis adsis precibus,
Me ab omni serva fraude

Cunctisque sceleribus,
Fac, ut Deo pura mente

Serviamus singuli,
Ope tua suffragante

Simus semper fervidi.
18. Quidquid mali nos infestat,

Amove celeriter
Et, ad bonum quidquid spectat,

Hoc adauge jugiter,

Procul pelle temptamenta

Mundi, carnis, daemonis.
In adversis nos sustenta

Servans a periculis.
19. Me, patrone, circumspectum

Facias in omnibus,
Da, ut sequar iter rectum

Deo haerens artius,
Ut sim fortis in agone

Contra malos spiritus,
Rogo, adsta, pastor bone,

Fugans illos eminus.
20. Ex odore tuae nardi

Animam refrigera,
Deo, qui non potest falli,

Ipsam reconcilia,
Sursum illam trahe tecum

In coelorum culmine
Ad videndum vultum tecum

Trinitatis sedule.