107. Ad B. Mariam V.

1. Ave, flos virginitatis,
Dulcis mater pietatis,

Miserorum auxilium,
Virgo radix castitatis,
Origo prosperitatis,

Virtutis nostrae gaudium.
2. Transitus immunitatis,
Pacis et felicitatis

Nobile domicilium,
Mons excelsae quantitatis,
Turris magnae firmitatis,

Sublimitas humilium.

3. Ante thronum trinitatis
Advocata praesto gratis

Pro pace te poscentium,
O arca divinitatis,
Cuncti bonae voluntatis

Per te gustant fructum pium
4. Fons horti jucunditatis,
Fluvius amoenitatis,

O ardoris solatium;
Rosa speciositatis,
Lilium nobilitatis,

Conculcans omne noxium.
5. Civitas securitatis,

Templum sanctae trinitatis,

Peccatorum refugium ;
Hoc tempore siccitatis
Copia fertilitatis,

Egenorum subsidium.

6. O mensa sinceritatis,
Esca vera invitatis,

Dans aeternum convivium ;
Via verae aequitatis,
Vita justae probitatis,

Nutrix bonarum mentium.

7. Puerpera deitatis,
Legifera veritatis,

Forma virtutum omnium ;
Portus nautis fatigatis,
Pelagus trancmilitatis,

Tollens mundi naufragium.
8. Paradisus voluptatis,
Balsamus suavitatis,

Vera dulcedo dulcium ;
O columba lenitatis,
Lucerna aeternitatis,

Nostri boni principium.
9. Vas inclitae puritatis,
Pincerna sobrietatis,

Consolatrix fidelium ;
Medicina sospitatis,
Cunctis praebens sauciatis

Sanitatis remedium.

10. Imperatrix majestatis,
Totius humilitatis

Laudabile praesidium ;
O janua largitatis,
Quae sacro fonte renatis

Coeli reseras ostium.

11. Scala tantae summitatis,
Quod ascensum dat purgatis

Ad tui nati solium,
Columna stabilitatis
Gestans typum honestatis
In tuum sanctum gremium.
12. Sidus nostrae novitatis,
Stella lucis vitae datis,

Salus in te sperantium ;
Amica fidelitatis,
Conservatrix unitatis
Secretorum coelestium.

13. O sponsa formositatis,
Strenuae sagacitatis,

Apparatu monilium,
Lux tuac benignitatis
Ad nostrae Imereditatis
Nos transfert desiderium.

14. Dominium libertatis,
Servitute liberatis,

Manumissis suffragium,
Splendor nostrae caecitatis,
Decor summae venustatis,

Lumen, cunctorum gentium.

15. Cibo vetito cibatis

Propter pestem vanitatis

Separas quodque vitium,
Dans radios claritatis
Divina luce privatis
Per tuum ministerium.

16. Claudis portam egestatis,
Reddis messem ubertatis
Per tuum patrocinium,
Succursus velocitatis,
Aurora serenitatis,

Cui dulce est proprium.

17. Per viscera caritatis
Et merita sanctitatis

Te deprecor per filium,
Ut qui premor pro peccatis
Non corruam cum damnatis

In gehennae supplicium,
Sed da frui cum beatis
Gaudio perennitatis

Post praesens exsilium.