2. De divinis Nominibus. (Margarita Exorcistarum.)
4. Oratio de Incarnatione Christi.
6. In laudem Dominicae nativitatis.
13. Oratio devota et compunctiva.
14. De Nativitate et Morte DN.
18. De passione Domini Oratio.
40. Oratio sub Elevatione dicenda.
42. In Elevatione Corporis Christi.
43. Ad Elevationem Corporis Christi.
46. Ad Elevationem Sanguinis. I.
47. In Elevatione s. Sanguinis.
49. De Nominibus et Titulis BMV.
74. De Gaudiis BMV In Nativitate BMV.
86. Missa Sanctae Mariae Virginis.
87. Alphabetum archangelicum in laudem BMV.
90. Jubilus de singulis membris BMV.
94. Acrostichon super Ave Maria.
104. Oratio de V. M. matre Jesu.
129. Litania Omnium Sanctorum.
130. Litania Omnium Sanctorum.
132. Litania Omnium Sanctorum.
133. Litania Omnium Sanctorum.
139. Oratio ad omnes Apostolos.
151. Ad Angelum Custodem oratiuncula.
188. De ss. Johanne Baptista et Johanne Evangelista.
189. De s. Johanne Evangelista.
205. De ss. Martino et Brictio.
209. Item alia oratio ad eundem martyrem sine nomine vel ad s. Victorem.
220. Visio sancti Morandi Allatis.
223. De Praelatis et Subditis.
228. De Conductu in itinere Hierosolymitano.
230. Hymnus confundens Gregorium, alias Errorium, olim papam.
1. Gaude, virgo, mater Christi,
Quae per aurem concepisti
Gabriele nuntio.
Quam prudenter respondisti:
Ecce, sum ancilla Christi
Hominem sed nescio ;
Sic serpentem contrivisti,
Dei verbum implevisti
Genesis principio.
2. Gaude, quia Deo plena
Peperisti sine poena
Cum pudoris lilio.
Casti lilium pudoris,
Virga Jesse, flos odoris,
Salvat puerperio,
Quos damnavit dux erroris,
Adam, Eva, fons moeroris,
Colubris ingenio.
3. Gaude, quia tui nati,
Quem dolebas mortem pati
Fulget resurectio.
Rex triumphans in agone
Superato Pharaone
Surrexit de proelio,
Ab Aegypto, pastor bone,
Educ nos victo dracone
Ab ejus imperio.
4. Gaude, Christo ascendente,
Qui in coelum te vidente
Motu fertur proprio.
Clara nube ferebatur,
Galilaea mirabatur
De tanto mysterio,
Vox jucunda nuntiatur,
Humanitas coronatur,
Coeli throno regio.
5. Gaude, quod post ipsum scandis
Et est honor tibi grandis
In coeli palatio.
Coeli throno sublimata,
Gemmis satis coronata
Paradiso solio,
O Esther inthronisata,
Pro nobis sis advocata
Coram rege filio.
6. Ubi fructu ventris tui
Per te nobis detur frui
In perenni gaudio.
Fructus floris virginalis,
Fructus vitae spiritalis,
Fructus sine folio,
Flos florum, flos virginalis
Et fructus universalis,
Salus et redemptio.
7. Sic Zephyrus mittit rorem,
Rore flora parit florem,
Floris fit refultio;
Flos ascendit in decorem,
Flora sequitur odorem
Amoris suspirio.
Ergo floris mater flora,
Nos defende mortis hora
Finali supplicio,