2. De divinis Nominibus. (Margarita Exorcistarum.)
4. Oratio de Incarnatione Christi.
6. In laudem Dominicae nativitatis.
13. Oratio devota et compunctiva.
14. De Nativitate et Morte DN.
18. De passione Domini Oratio.
40. Oratio sub Elevatione dicenda.
42. In Elevatione Corporis Christi.
43. Ad Elevationem Corporis Christi.
46. Ad Elevationem Sanguinis. I.
47. In Elevatione s. Sanguinis.
49. De Nominibus et Titulis BMV.
74. De Gaudiis BMV In Nativitate BMV.
86. Missa Sanctae Mariae Virginis.
87. Alphabetum archangelicum in laudem BMV.
90. Jubilus de singulis membris BMV.
94. Acrostichon super Ave Maria.
104. Oratio de V. M. matre Jesu.
129. Litania Omnium Sanctorum.
130. Litania Omnium Sanctorum.
132. Litania Omnium Sanctorum.
133. Litania Omnium Sanctorum.
139. Oratio ad omnes Apostolos.
151. Ad Angelum Custodem oratiuncula.
188. De ss. Johanne Baptista et Johanne Evangelista.
189. De s. Johanne Evangelista.
205. De ss. Martino et Brictio.
209. Item alia oratio ad eundem martyrem sine nomine vel ad s. Victorem.
220. Visio sancti Morandi Allatis.
223. De Praelatis et Subditis.
228. De Conductu in itinere Hierosolymitano.
230. Hymnus confundens Gregorium, alias Errorium, olim papam.
Introitus.
1. Matrem Christi salutemus,
Opem ejus imploremus,
Adsit ad introitum ;
Benedictam hanc dicemus,
Trinitati inclinemus,
Nobis det auxilium.
Kyrie eleison.
2. Jubilantes hinc angeli
Ordines novem coelici
Laudent Deum in Sion,
Devoti quoque famuli
Alternatim et singuli
Dicant Kyrie eleison.
Laus angelica.
3. Sit gloria altissimo,
Pax quoque in hoc saeculo
Bonis voluntatibus,
Cum cantico angelico
Patri, nato, paraclito
Detur laus ab omnibus.
Collecta.
4. Sanitatem hinc famulis
Det mentis atque corporis
Per virginis precamen,
Soluti a tristitiis
Fruamur coeli gaudiis,
Ad quod dicamus Amen.
Epistola.
5. Ab initio saeculi
Creandam matrem Domini
Prophetae praedixerunt,
De Sion monte fertili
Fructus est datus virgini,
Quem omnes gustaverunt.
Gradale.
6. Sancta et venerabilis,
Virgo inviolabilis,
Intacta permanseras,
Es mater generabilis,
Qui est interminabilis,
Deum in te clauseras.
Alleluja,
7. Alleluja hinc resonat,
Virga Jesse floruerat,
Castum germen cum flore,
Ima summis conciliat,
Quae virgo sancta generat
Virgineo virore.
Tractus.
8. Nunc virgo mater gaudeat,
Quod haereses interimat
Verbis credens angeli ;
Post partum virgo manserat,
Pro nobis interveniat
Prece sua supplici.
Evangelium.
9. Constat, quod evangelium
Ventrem, qui gessit Dominum,
Beatum clamat esse ;
Quicumque audientium,
Verbum Dei tenentium,
Beati sint, necesse.
Credo.
10. Tenentes fidem fortiter,
Per quam credimus firmiter
Deum natum virgine,
Passum pro nobis acriter,
Surgens scandit alacriter
In coelorum culmine.
Offertorium.
11. Es Mariavirgo grata,
Quae portasti illibata
Ipsum, qui te fecerat,
A quo cuncta sunt creata,
Per incensum illum placa,
Veniam ut tribuat.
Secreta.
12. Mariae intercessio,
Dei propitiatio
Proderit fidelibus,
Pia nostra oratio,
Exigua oblatio
Volet in coelestibus.
Praefatio.
13. Alte libet exclamare,
Deum semper collaudare
In honore virginis,
Voluit hanc obumbrare
Dono sancti flatus clare
Matrem veri luminis.
Sanctus.
14. Rite inde subsequatur
Terque Sanctus decantatur
Sabaoth Deo summo,
Benedictus acclamatur,
Nomen Dei invocatur,
Hosanna alto sono.
Canon.
15. Igitur patrem omnium
Per Jesum Christum Dominum
Suppliciter rogemus,
Pro statuque fidelium
In terris hic viventium,
Memoriam tenemus.
Communicantes.
16. Et Maria eximia,
Sanctorum quoque agmina
Intercedant sedule,
Ut nostra sint servitia
Accepta et familia
Ne damnetur misere.
Silentium.
17. Verbo panis conficitur,
In corpus Christi vertitur
Vinumque in sanguinem ;
Hinc passio recolitur,
Christus surgens regreditur
Ad coelorum apicem.
Supra quae.
18. Intuere, pater clare,
Et dignare acceptare
Puram nostram hostiam,
Quondam patres immolare
Solent et sacrificare,
Hanc signabant victimam.
Supplices.
19. Rogamus omnes supplices,
Per angelum suscipies
Vota tui populi
In sublimi, quo resides,
Altaris fac participes
Corporis dominici.
Memoria defunctorum.
20. Gementes quoque petimus
Memoriamque facimus
Pio desiderio
Pro animabus omnibus
In Christo quiescentibus,
Sint in refrigerio.
Nobis quoque.
21. Insuper peccatoribus
Pie in te sperantibus
Dona partem gratiae
Cum sanctis tuis omnibus,
Apostolis, martyribus,
Hos cum illis insere.
Oratio Dominica et Agnus.
22. Nunc pater coelis residens
Et regnum suum tribuens
Nos a malis liberet,
Agnus peccata auferens,
Et pacem nobis largiens
Sibi nos incorporet.
Communio.
28. Intret nostra praecordia,
Quem portaverunt viscera
Gloriosae virginis,
Expellat cuncta crimina
Et maneat cum gratia
Donis replens codicis.
Complenda.
24. Sumpta tanta subsidia
Per virginis precamina
Nostrae prosint saluti,
Ad coelos missa hostia
Nos protegat per omnia
Sic erimus securi.