208. De sanctis Mauris.

1. Ave, martyr, cujus nomen
Ignoratur sed non omen,
Tu pro Christo pateris,

Legionis Thebacorum
Nomen ornat te decorum,
Illi dum adscribens.

2. Ortu, fide, sanctitate,
Sensu, actu, dignitate

Clarus et militia,
Spe mercedis et coronae
Pugnas, martyr, in agone

Tendens ad coelestia.

3. Caesar furit cum profanis,
Et tu, martyr, spretis vanis

Immolans hostia ;
Dum occidit te scienter,
Introducit nescienter

Ad superna gaudia.

4. Corpus tuum venerandum
Huc translatum ad pausandum
Dei providentia

Nobis exstat honorandum
Atque per te impetrandum
Bona permanentia.

5. Intendentes tuae laudi
Nos attende, nos exaudi,

Nos a malo libera,
Christo Jesu nos commenda,
Ut exutos omni menda

Collocet in patria.

6. Tuique commilitones
Nostras dent orationes
Coram Deo placitas,
A cunctis nostris domibus
Repellant et a mentibus
Daemonis fallacias.

7. Ipsorum patrocinio
Gubernentur a Domino
Nunc et in perpetuum.