30. In Festo Paschatis.

1, Dones agni portionem
Rite, pater, edere,
Veram tingat rationem

Sanguis Pascbae foedere,

Ne mentalem stationem

Possit hostis laedere.

2. Salve, caro majestatis,

Alta, sancta, humilis,

O quam plena veritatis,

Pulchra, mira, nobilis,
Tradita heu profanis,
Angelis mirabilis.

3. Salveto medicamentum,
Quam plenum effectibus,

Expurges inquinamentum
Carnis cum defectibus,

Esto mihi excrementum
Cunctis in profectibus.

4. Eja, sanguis generose,

Mirus, venerabilis,
Fluens plagis copiose

Nimis, peramabilis,
Mustum mentis amorosae,

Typis praeconabilis.
5. O sanguis redemptionis,

Venditos redimito,
Sanguis expiationis,

Turpatum eluito,
Sanguis consummationis

In sancta traducito.

6. Salve, anima, dilecta
Deo et hominibus,
Clara, placens et afflicta,

Praelata numinibus,
O te laudo, benedicta,
Coelicis luminibus.

7. Salve, spiritus divine,

Plenus sapientia,
Te jam canunt matutinae

Stellae fartum gratia,
Benedictum sine fine,

Traditum pro hostia.
8. O vos exta devoranda

Agni sine macula,
Vos virtutum per miranda

Grandia spectacula,
O salvete, adoranda

Divina signacula.
9. O vos gratiae salvete

Communes cum singulis,
Dona, fructus resalvete

Laudibus pertinnulis,
Me jam gratiis replete

Canentem in jubilis.
10. Salvete bumunitatis

O pedes pacifici,
Pedes pleni caritatis,

Perfecti, deifici,
Exemplares deitatis,

Bajuli vivifici.

11. Salve, agnus nate, passe,
Sepulte moeroribus,
Surgis, scandis, agnus asse

Spiritus amoribus,
O compleeto pedes hosce
Gratium clangoribus.
12. Salve, adeps et pinguedo
Agni mansuetissimi,
Tua satiet dulcedo

Cor servi nequissimi,
Tibi laudis pensa dedo
Cordis contritissimi.

13. Eja, fructus condonato
Vitae tuae optimae,

Passionis cumulate

Frugem, rex clarissime,

E quo fructus sacrae dato
Eucharis gratissimae.

14. Salve, caput adorandum,

Jesu mira deitas
Ferculumque celebrandum,

Satians aeternitas,
Epulum concelebrandum

Angelis, divinitas.
15. Salve, naturans natura

Prima et essentia,
Liber vitae, ars, lux pura,

Patris sapientiae,
Hac semper alimentum

Fruar in praesentia.
16. Eja, cives Olymporum,

Numina hierarchica,
Mille milia hymnorum

Camoena dogmatica
Ferte pani angelorum

Pro hac esca polica.

17. Tibi, Christe, sit cum patre

Hagioque spiritu
Hymnus, melos, laus perennis,

Gratiarum actio,
Honor, virtus, victoria

Regnum aeternaliter.