109. Ad Bi Mariam V.

1. Ave, lumen gratiae,

Virgo fecundata,
Summae sapientiae

Nutu fabricata,
Radix sapientiae

Nunquam inquinata,
Fons misericordiae,

Regina beata.

2. Ave, novum gaudium,

Forma sanctitatis,
Salutis exordium,

Decus castitatis,
Coeleste sacrarium,

Templum deitatis,
Amorisque gaudium,

Hortus voluptatis.

3. Ave, vitae pabulum,

Virg gratiosa,
Pudoris signaculum,

Pulchrior quam rosa,
Quae salvasti populum,

Mater gloriosa,
Pariendo parvulum,

Porta speciosa.

4. Ave, beatissima

Salus peccatorum,
Magna, major, maxima,

Praelata coetorum,
Consolatrix optima,

Patrona reorum,
Virgo beatissima,

Vera lux sanctorum.

5. Ave, fons dulcedinis,

Gratiae piscina,
Nitor pulchritudinis,

Rosa sine spina,
Via rectitudinis,

Claritas divina,
Turris fortitudinis,

Culpae medicina.

6. Ave, stella fulgida,

Speculum decoris,
Virga Jesse florida,

Vinculum amoris,
Gemma coeli nitida,

Medela languoris,
Labe carens sordida,

Mater salvatoris.

7. O felix puerpera,

Gratiae lucerna,
Surge, veni, propera,

Domina superna,
Mea terge vulnera,

Gratiae pincerna,
Me Christo confoedera,

Me semper guberna.

8. O regina virginum,

Per quam lux est orta,
Reparatrix hominum,

Felix coeli porta,
Virtus, splendor luminum,

Quaeso me conforta.
Surge, ante Dominum

Precem meam porta.