4. Oratio de Incarnatione Christi.

1. Multis a confratribus

Sum saepe rogatus,
Ut eis exponerem

totiens probatus,
Quare Dei filius

sic est humanatus,
Ut in crucis cornibus

fieret assatus,

Et cur ejus lancea

foderetur latus;
Sic incepi dicere

multis invitatus:
2. Viri venerabiles,

viri literati,
Hostes injustitiae,

legibus armati,

Vestri nunc sufficio
sareinae mandati,

Nec adire grandia
licet novitati.

3. Verbi ministerium

mihi credidistis,
Cujus est solemnitas

in diebus istis,
Erubescit facies

animus est tristis,
Factus sum insipiens,

vos me coegistis.

4. Sapientes alloquor,

supplico discretis,
Si non digne dixero,

parcere debetis,
Loqui de coelestibus

nescio secretis,
Caecus in apostolo,

caecus in prophetis.

5. Quia magnitudine

superant ignarum
Notiones singulae

trium personarum,
Quid pater, quid filius,

patet mihi parum,
Quid sit, unde filium

Pater habet carum.

6. Una est substantia

tribus in personis,
Unitatis regula

plus quam unionis,
Nuntiat in angelis,

judicat in thronis
Ad aeternae seriem

dispositionis.

7. Cum creator temporum

non sit temporalis,
Statim est sub tempore

res materialis;
Pater est efficiens,

filius formalis,
Utriusque spiritus

causa est finalis.

8. Creatori serviunt
omnia subjecta,
Sub mensura, numero,

pondere perfecta,
Ad invisibilia

per haec intellecta
Sursum trahit hominem
ratio directa.

9. Praedicat potentiam

rerum magnitudo,
Ordo sapientiam

sive pulchritudo,
Bonitatem copiae

summa plenitudo,
Pascit mentis oculos

trinitas hoc ludo.

10. Dignitate praeminet

universae rei
Factus ad imaginem

majestatis Dei,
Cuncta sibi serviunt,

ipse servit ei,
Quem nox nocti praedica

et dies diei.

11. Obligavit omnia

nostrac seindtuti,
Alia deliciis,

alia saluti,
Sciunt evangelicis

regulis imbuti,
Quibus frui convenit,

quibus decet uti.

12. His nos beneficiis

voluit ditari
Et adjecit cumulum

muneris praeclari,
Cum pro nobis filium

misit incarnari,
Ut uniret hominem

suo salutari.

13. Est inenarrabilis
ista genitura,
In persona simplici
duplex est natura,

Ipse, qui creator est,

ipse creatura,
Ligans dissimilia

stabili junctura.

14. Taceo particulam

virginis beatae,
Non originaliter

carnis obligatae
Nec in lumbis Abrahae

quondam decimatae,
Unde Levi major est

Christi dignitate.

15. Haec simul in omnia

Deo eounita,
Inde personaliter

una mundi vita,
Fides ita praedicat,

fides credit ita,
Haereat in perfidis

haeresis sopita.

16. Habens carnem similem

carni peccatrici,
Formam servi praeferens,

habitum mendici,
Qui in dolo repulit

dolum inimici,
Tale bellum perfido

decuit indici.

17. Cum in Deum hominem

misit hostis manum,
Ut moveret stabilem,

infirmaret sanum,
Si quid juris habuit

in genus humanum,
Irrevocabiliter

abiit in vanum.

18. O pugna mirabilis,

o trophaeum dignum,
Agnus lupum perimit,

innocens malignum,
Qui per lignum vicerat,

victus est per lignum,
Quod est terror hostium,

quod est vitae signum.

19. Infirmatur medicus,

sanet ut aegrotum,
Non per quinque porticus

nec per aquae motum,
Sed in vase fragili

et in parte totum,
Proximo parieti

copulat remotum.

20. Incipit in saeculo

factor saeculorum,
Vitae panis esurit,

sitit fons hortorum,
Noctis somno clauditur

oculus caecorum,
Plebi fit abjectio

decus angelorum.

21. Sol in nube tegitur,

dies obscuratur,
Trepidat securitas,

virtus infirmatur,
Disciplina caeditur,

salus exsecratur,
Vita cruci figitur,

ordo conturbatur.

22. Parum nobis proderat

redemptorem mori,
Ni rediret iterum

vita redemptori,
Liber inter mortuos

redditur honori,
Et a dextris assidet

natus genitori.

23. Ut divinae resonat

pagina scripturae,
Praecesserant tempora

legis et naturae,
In antiquis patribus

operum figurae,
Sensus allegorici,

species obscurae.

24. Ut a primis ordiar
mundi rudimentis,
Fit de costa mulier
A.dae dormientis,

Rutilans ecclesia
vitae sacramentis

Prodiit ex latere
Christi morientis.

25. Haec est arca, quam Noe

cataclismo rexit,
Hunc Jacob evigilans

lapidem erexit,
Haec in vase scirpeo

Mosysen inspexit,
Haec est nurus Noemi,

quam Booz dilexit.

26. Haec est tabernaculum

in deserto factum,
Atriis circumdatum,

tabulis compactum,
Haec est arca foederis,

hoc est vitae pactum,
Inter verum Israel

et Deum contractum.

27. Atrium exercitus

vita est activa,
In quo sacrificia

sunt figurativa,
Hoc altare concremat

carnis incentiva,
Demolitur pinguia,

macerat lasciva.

28. Incenduntur hostiae

carnibus oblatis
Ligno crucis Domini,

flamma caritatis,
Agnus innocentiae

et simplicitatis,
Hircus poenitentiae,

turtur castitatis.

29. Primum tabernaculum

contemplationem,
Mensa, quae proponitur,

signat lectionem,
Panes verbum fidei,

thus orationem,
Candelabrum spiritus

illustrationem.

30. Futurorum pontifex

Christus est bonorum,
Qui semel introiit

in sancta sanctorum,
Non hircorum sanguine

neque vitulorum,
Sed in suo reserans

aditum coelorum.

31. Hic exstinxit gladium

sibi resistentem,
Gladium versatilem,

gladium ardentem,
Et removit Cherubim

gladium tenentem,
Dum latronem suscipit

Christus confitentem.

32. Quod fraternis manibus

Abel est occisus,
Quod oblatus puer est,

cui nomen risus,
Quod missas in puteum

fratribus invisus,
Quod ascendens in Bethel

calvus est derisus ;

33. Coram agno mystico

mors est Pharaonis,
Quod saliva defluit

patre Salomonis,
Quod intravit Daniel

lacum Babylonis:
Totum est mysterium

Christi passionis.

34. Tangere sublimia

res est onerosa,
Aeris in nubibus

aqua tenebrosa,
Ut a spinis discrepat

lilium vel rosa,
Sic a Dei laudibus

vita vitiosa.

35. Tangens montem bestia
debet lapidari,
Et indignus timeo
plecti poena pari,

Sed a vobis postulo
veniam praestari,

Quorum voluntatibus
nolo refragari.
36. Supplicemus iterum
gratiae divinae,

Quam hamanae credimus
summam medicinae,

Ut expertes ultimae
faciat ruinae,

Sitque salus omnibus
hic nunc et in fine.