BALTH. CORDERII, S. J. INTERPRETATIO.

Liquidum vero cibum significare doctrinam illam profusam, quae dum per omnia vagatur, simul etiam per varia illa multipliciaque signa ad simplicem et constantem Dei cognitionem, eos quos nutrit, per accommodatam cujusque captui bonitatem manuducit. Hanc ob causam eloquia illa divina spiritaliaque, et rori,et aquae, et lacti, et vino ac melli merito assimilantur, quia vivificandi ac faecundandi ut in aqua, et ad incrementum perducendi ut in lacte, et recreandi ut in vino, purgandique simul ac conservandi ut in melle vim habent : ista nimirum divina sapientia donat suis asseclis, dum redundantium et indeficientiam deliciarum suarum affluentiam eis praebet, et adhuc supereffluit. Istud nempe veraciter est epulari : et idcirco, ut vivificans simul et parvulos nutriens, renovansque ac perficiens celebratur.

18