DUBIUM.

Sed videtur, quod objectio Caii procedat :

1. Eorum enim quae sunt in una coordinatione, est tantum unum primum principium : sed principalis bonitas vel deitas dicit primum principium in genere bonorum et dedicatione : ergo est una principalis bonitas tantum : si ergo Deus est principalis deitas et super principalem deitatem, videtur quod sit super seipsum.

2. Ad idem, Principalis deitas est, qua omnes deificati deificantur : sed, sicut

dicit Hugo de sancto Victore, " Deus dei " fleat et beatificat omnes seipso, et non " alio : " ergo si est super principalem deitatem, Deus erit supra seipsum.

3. Praeterea, Ipse idem Magister Hugo ponit exemplum de ferro ignito : quod. sicut nihil aliud est simile igni nisi per ignem, ita deificati per nihil aliud sunt similes Deo quam per ipsum Deum : sed. id quod assimilat Deo, est principium deificationis : ergo tantum Deus est principalis deitas, et sic idem quod prius.

Si dicatur, quod aliquid aliud est deificans sicut dispositiones. Contra :

l. Omnis dispositio disponit ad aliquid aliud: sed. nullum tale est ultimum : ergo illud non erit ultimum et principale deificatis, sed tantum Deus.

2. Praeterea, Apostolus dicit, I ad Cor. xv, 28, quod erit Deus omnia in omnibus : et sic verum videtur, quod per se beatificat ipsos beatos : et sic idem quod prius.

Sed dicendum, quod aliquid est principium deificationis dupliciter, scilicet effective, et sic solus Deus est principium deificans : est etiam aliud dedicans formaliter, sicut ipsa participatio deitatis assimilans Deo, vel per gratiam, vel per gloriam, et hoc est aliud quam Deus. Si igitur thearchia dicatur principium deificans effective, sic Deus non est super thearchiam, sed solum super thearchiam quae est principium formaliter beatificans : et secundum hoc procedit solutio Dionysii : et per hoc patet solutio ad omnia objecta.