ANTIQUA TRANSLATIO.

Sed neque Demophilo est fas Ista castigare. Si enim Theologia justa juste praecipit exsequi (justa autem exsequi est quando attribuere velit aliquis unicuique secundum dignitatem), juste hoc est omnibus exsequendum, non praeter dignitatem ipsorum aut ordinem : quoniam et Angelis justum est determinare ea quae sunt secundum dignitatem, et determinantur, sed non a nobis, o Demophile,sed per ipsos nobis ex Deo ex ipsis per praeeminentes amplius Angelos. Et ut simpliciter dicatur, in omnibus existentibus per primos secundis attribuuntur ea quae sunt secundum dignitatem in omnibus bene ordinata et justissima providentia. Igitur qui sunt ordinati a Deo ut aliis principentur, distribuunt sequentibus et obedientibus ea quae sunt secundum dignitatem.