DIVISIO ET EXPOSITIO TEXTUS.

Quomodo qui est super omnia et super thearchiam, etc.

Haec est epistola secunda Dionysii, in qua respondet quaestioni ejus de esse divino, et occasionatur ejus quaestio ex verbis Dionysii in libro de Divinis nominibus, ubi dixit, quod " Deus est super " divinitatem principalem, et super bo" nitatem principalem : " videtur enim, quod si Deus est thearchia, et ipse sit super thearchiam, quod sit super seipsum.

Dividitur ergo ista epistola in duas partes. In prima ponit quaestionem : in secunda, responsionem, ibi, Si deitatem, etc.

Quaerit ergo primo Caius, quomodo Deus qui est super omnia, id est, in esse,

deificantur et boni efficimur. Etenim cum hoc etiam principium sit deificationis ac bonificationis corum qui deificantur et boni efficiuntur, qui est omnis principii supraquam principium, etiam sic dicta divinitate ac bonitate, tamquam principium divinitatis, et principium bonitatis superior exsistit ; in quantum inimitabilis et incomprehensus, antecellit inimitationibus et comprehensionibus, et eis qui imitantur et participes fiunt.

et super thearchiam id est, super principalem deitatem, quomodo est super boni principatum, id est, super principium omnium bonorum, cum ipse sit principalis deitas, et principalis bonitas.