DUBIUM.

Sed videtur falsum quod hic dicitur :

1. Yiae enim Domini per quas investigare ipsum possumus, sunt creaturae ejus, et in quas ipse etiam procedit per influentiam suorum donorum : sed creaturae possunt investigari : ergo viae ejus non sunt investigabiles.

2. Praeterea, Illud quod omnibus revelatur, non est inscrutabile : sedjudicia Domini omnibus revelabuntur, sicut in Isaia dicitur : ergo judicia Dei non sunt inscrutabilia.

3. Praeterea, Job quod dicit, Angelus enarrat omnia mirabilia ejus : et loquitur de donis quae eis largitus est Deus : ergo videtur, quod dona ejus sint enarrabiria.

Sed dicendum, quod creaturae et judicia Dei materialiter accepta et divina secundum quod sunt in recipientibus,

dupliciter possunt considerari : aut per suam substantiam, et sic possunt investigari : aut secundum quod exeunt a sapientia infinita, et sic sunt inscrutabilia et investigabilia et inenarrabilia : tamen quod dicit inenarrabilia dona ejus, non habet nostra littera, sed est in littera septuaginta interpretum. Nostra autem littera : Aut quis prior dedit illi, et retribuetur ei ? Quoniam ex ipsomet per ipsum, et in ipso sunt omnia : ipsi gloria in saecula. Amen (ad Rom.XI, 35 et 36).