dubium:.

1. Sed videtur, quod haec nulla sit justitia. Philosophus enim dicit, quod " unius ad seipsum nulla est justitia : " et reprehendit de hoc Platonem, qui contrarium dicebat : ergo videtur, quod de hoc etiam hic reprehendendus sit.

2. Praeterea, Justitia est reddere unicuique quod suum est : sed sicut dicit Philosophus, " Concupiscentiae et furoris " nihil est suum nisi nomine rationis, " sicut servus nihil possidet nisi nomine " domini : " ergo videtur, quod non sit justitiae subjicere concupiscibilem et irascibilem rationi.

3. Praeterea, Hoc magis videtur esse fortitudinis et temperantiae, quarum est refraenare inordinatos motus virium harum : et sic non videtur esse justitiae.

Ad hoc breviter dicendum, quod unius ad se non est justitia proprie dicta, sed justitia metaphorica, de qua concedit Philosophus, quod sit unius ad se, vel domini ad servum.