BALTH, CORDERII, S. J. INTERPRETATIO.

Tu autem ais, sophistam Apollophanem me conviciari, ac parricidam appellare, ut qui gentilium dictis adversus ipsos non sincere utar. Atqui nos illi verius objicere possemus, gentiles illos, adversus divina divinis sacrilege abuti, dum per Dei sapientiam, divinae religionis cultum abolere moliuntur. Neque vero hic de multitudinis opinione loquor, quae poetarum Actionibus materialiter tenaciterque adhaerens, creaturae potius quam creatori famulatur ; verum etiam ipsemet ApolIophanes divinis adversus divina nefarie utitur ; nam per hanc ipsum rerum scientiam, quae ab ipso recte philosophia dicitur, et a divo Paulo sapientia Dei nominatur, ad rerum ipsarum scientiaeque illius auctorem, veros philosophos ascendere oportebat. Ac ne praeter institutum meum, aliorum potius quam ipsius sententiam a veritate deflectere convincam, scire debebat Apollophanes, cum sapiens esset, nihil umquam caelestis ordinis ac motus immutari ullo modo potuisse, sine instinctu autoris sui, a quo et ut esset accepit, et cujus potentia conservatur,

haberet ad hoc moventem, qui facit omnia, et mutat secundum sanctum sermonem .

Deinde invehitur ex objectione sibi facta contra aliquos Philosophos, et primo contra Philosophos in communi. Secundo contra idololatras, ibi, Et non multorum ego dico, etc. Tertio contra ipsum Apollophanem ex propriis suae scientiae, ibi, Sed et ipse Apollophanes, etc.

Circa primum duo facit. Primo ponit objectionem contra seipsum. Secundo invehitur contra oppositis, ibi, Et quidem adversus, etc.

Erat ergo objectio Apollophanis, talis : Injustum est ut aliquis utatur aliquo contra illud a quo accepit : sed Dionysius accepit scientiam a Graecis : ergo non juste facit, quod utitur philosophia in reprehensionem Graecorum : et ideo vocabat eum patrum, verberatorem : quia illos a quibus scientiam acceperat (qui patres dicuntur) arguendo verberabat. Nominat autem Dionysius Apollophanem sophistam, propter istam objectionem quae superposita est, quamvis esset magnus Philosophus.

qui, secundum Scripturae testimonium, cuncta perficit ac mutat.