ANTIQUA TRANSLATIO.

Hebraeorum historiae dicunt, o nobilis Demophile, et sanctum illum Moysen propter multam mansuetudinem Dei apparitione dignum habitum. Et si aliquando ipsum extra divinam visionem describunt, nonante a Deo excludunt quam a mansuetudine. Dicunt autem, quod valde superbienti et divinis consiliis resistenti iratus est furore Dominus. Quando autem ipsum commendabilem faciunt a Deo indicatis dignitatibus, ex praeeminente mansuetudine boni Dei imitatione commendatur : etenim erat mansuetus valde, et propter hoc dicitur famulus Dei, et ad Dei inspectionem universis Prophetis dignior. Sed et quando adversus ipsum et Aaron crudeles quidam pro principatu sacerdotii et principatu gentis litigabant, excessit quidem universam jactantiam et ambitionem, et concedebat a Deo indicato populi praelationem . Postquam autem et surrexerunt in ipsum, et de prioribus improperan-