EXPOSITIO TEXTUS.

Quid quidem aliquis, etc.

Deinde ostendit hoc communiter per omnes operationes suas dicens : quare notum sermonem, ut pertranseat aliquis, id est, multa de aliis operationibus Christi, in quibus idem apparet, sicut quod tetigit leprosum, humanum fuit, quod vero tangendo sanavit, divinum fuit, et simi-

liter de multis aliis, per quae si aliquis divinius facta ipsius consideret, et cognoscit cognitione divina, quae est super mentem, quod illa quae affirmantur de benignitate, id est, de humanitate Jesu, quam sua benignitate assumpsit, habent virtutem negationum per eminentiam dictarum, sicut dicitur Deus non sapientia, quia est super omnem sapientiam : similiter cum dicitur Jesus non homo, intelligendum est quod non tamquam desit ei humanitas,aut sicut non esset homo, sed quod est ex hominibus habens naturam humanam ultra homines, in quantum natura humana est in ipso elevata super alios, propter unionem ad naturam divinam. Et reliquum : alia translatio, " caeterum, " non faciens divina secundum Deum, tantum, non humana secundum hominem tantum, sed Deo facto homine, nova quadam operatione Dei et hominis, quae dicitur theandrica, est nobis conversatus, secundum quod naturae circumincedunt se in suis operationibus : et sic non solum est homo super homines, sed et operatur humana super homines.