BALTH. CORDERII, S. J. INTERPRETATIO.

Sed penitus benigni ac praebenigni Christi beneficos radios tranquillo animo suscipientes, ab iisdem ad divinas ejus beneficentlas luculenter adducamur. An non Ineffabilis incomprehensibilisque bonitatis, quod ea quae sunt, esse faciat, eaque omnia ad esse produxerit, cunctaque velit sibi semper esse similia, et pro cujusque captu communicare ? quid quod a se deficientes amore prosequatur, contendatque ac roget, ne dedignentur amores ; quin et deliciosos ipsos ac temere provocantes sustinet, atque ipsemet excusat, eoque magis se recipit illos curaturum, ipsisque jam adhuc distantibus, simul tamen adventantibus occurrit et obviat ; totusque totos amplectens osculatur, neque de pristinis eos arguit, sed diligit praesentia, festumque diem agit,ac convocat amicos, videlicet bonos, ut sit omnium laetantium Habitatio.

5