ANTIQUA TRANSLATIO.

Demophilus autem sermoni et furori et concupiscentiae ea quae sunt secundum dignitatem determinet, et non injuriam faciat ipsi ordinationi, sed principetur subjectis superposita ratio. Si enim in foro videntes servum Domino, et juniorem seniori, aut et filium patri maledicentem simul et supervenientem, et plagas imponentem, impie agere videremur nisi supercurrentes melioribus auxiliaremur, etsi illi forsitan quidem prius injuriam accepissent, quomodo non verecundabimur, sustinentes a furore et concupiscentia injuriarum factum verbum, et a principatu a Deo dato expulsum, et in nobisipsis impiam et injustam inordinationem et litem inordinatam excitantes? Convenienter beatus noster ex Deo legislator non dignatur Ecclesiae Dei praeponere eum qui propriae domui bene jam non praefuit : etenim qui ordinavit seipsum, et alium ordinabit: et qui alium et domum : et qui domum, et