BALTH. CORDERII, S. J. INTERPRETATIO.

At Demophilo fas non est Ista corrigere. Nam si divinus sermo justa juste prosequi jubet (juste vero prosequi, est unicuique quod suum est pro meritis reddere), juste illud omnibus prosequendum, non praeter suam dignitatem aut ordinem ; nam et angelis justum est officia secundum merita tribui, ac definiri, non tamen a nobis, o Demophile, sed per eos nobis ex Deo, et ipsis ab angelis superioribus. Ac simpliciter loquendo, in:.omnibus rebus per primas secundis, a recta aequissimaque omnium providentia, cuique justa pro meritis tribuuntur, ut nimirum ii qui a Deo ordinati sunt praesides aliorum, inferioribus quoque subditisque suis pro meritis distribuant.

15