BALTH. CORDERII, S. J. INTERPRETATIO.

Haec, si fas est, ei dicito, tuque, Apollophanes, refelle si potes, idque adversum me, qui tunc praesens una tecum adfui, et simul adspexi, et observavi omnia cum admiratione. Denique tunc nescio quo spiritu afflatus, in divinationem quoque Apollophanes prorupit, et ad me conversus : Istae, in quiebat, o praeclare Dionysi, divinarum sunt viiissitudines rerum. Haec a nobis tamquam per epistolam dicta sint satis. Potes porro ipse supplere quae desunt, et ad Deum perfecte virum adducere, multis sane in rebus sapientem ; neque fortasse dedignabitur mansuete ac humiliter discere plus quam sapientem religionis nostrae veritatem.