ANTIQUA TRANSLATIO.

Demophilus autem, et si quis alius bonis inimicatur, valde juste increpatur, et edocetur bona, et bonum ei impenditur. Quomodo enim oportebat, dicit, bonum in salvatione perditorum laetari, et vita mortificatorum?Siquidem. et super humeros levat, difficulter ab errore conversum, et bonos Angelos ad laetitiam congregat, et bonus est ingratis, et oriri facit solem suum super bonos et malos, et ipsam animam suam ponit pro refugientibus .

Tu autem sicut litterae tuae monstrant, et procidentem sacerdoti, ut dicis, impium et peccatorem, nescio quomodo contra ipsum praesens retrusisti : postea ille quidem deprecabatur et ad medicinam malorum confitebatur, tu autem non solum horruisti, sed et bonum sacerdotem temere cum injuria corporis repulisti, dicens, miserabilem esse qui paenitentem et impium