DUBIUM.

Sed videtur hoc esse falsum : quia sicut dicit Augustinus, " Idem facit in spi-" ritualibus ordo, quod in corporalibus " situs : " sed in corporalibus illud quod est inferius, illuminat superius, sicut sol omnes superiores stellas : ergo videtur, quod ita sit in spirituali lumine.

Ad illud dicendum, quod illuminatio corporalis est situalis et ad determinatam distantiam, cum lumen sit finitae virtutis : et ideo oportet, quod fons luminis ut possit undique illuminare, scilicet sol, sit in medio et non in summo : sicut etiam cor in animali, quod est principium vitae : sed hoc non oportet esse in lumine spirituali, cujus virtus est infinita, et actio non situalis : et ideo fons spiritualis luminis non ordinatur post quaedam alia.

Deinde concedit, quod mali sacerdotes sunt valde increpandi.