ARTICULUS III.

Ad quid sit motus processivus ?

Tertio quaeritur, Ad quid sit motus processivus ?

Et videntur Philosophi dicere, quod ad cibum qui non est in loco uno sicut plantarum quarum, cibus totus congregatur circa radicem.

Sed hoc videtur falsum :

I. Videmus enim animalia alia delectabilia quaerere in diversis locis quam ciborum, et praecipue hominem.

2, Praeterea, Sicut habetur in libro de Animalibus, muita moventur solum propter hoc ut excitent sibi calorem digestivum, quo magis digerant sibi cibaria, et illa non videntur moveri ad motum aliquem cibi.

Praeterea quaeritur juxta hoc, Quare diversa sunt organa processivi motus, cum per quodlibet illorum possunt moveri animalia ad diversa loca ?

Solutio. Dicendum, quod motus processivus principaliter est ad cibum, et secundario ad alia est delectabilia : et per hoc patet solutio ad duo prima,

Ad aliud dicendum, quod quorumdam. animalium est cibus multum sparsus, et illa indigent ala. Quaedam liabent corpora excellenter longa, et illa moventur annulo vel costis : quia si natura fecisset eis pedes, factum fuisset corpus eorum nimis osseum, ita quod impedita fuissent spiritualia et nutritiva eorum. Si autem paucos pedes habuissent, fuisset corpus in alia parte tractum in terra et in alia parte elevatum, Scribitur tamen in libro de Animalibus de carabo et cancro et aliis, quae multos habent pedes, et dicuntur midiipedia, et de quodam animali quod dicitur quadragintaqiiatuor, eo quod tot habeat pedes : et videmus multos vermes multos habere pedes, sicut enica et hujusmodi. Sed in omnibus his animalibus accidit contrarium ejus quod est in bipedibus, vel in quadrupedibus, vel natatilibus. In omnibus enim talibus nucha quae vicarius est cerebri, quantum ad posteriorem partem est in superiori parte corporis sui, ministrans virtutem motivam nervis suorum organorum proeessb vorum : et propter hoc crura eorum et alae eorum colligantur ad dorsum : molle autem eorum in ventre, et locus spiritualium est inferius : sed in multipedibus est contrarium : nucha enim illorum vel id quod est in loco nuchae, est subtus per modum cujusdam pontis, et infiguntur in ipsa pedes mobiles per longitudinem totius corporis ex utraque parte, et super illud disponuntur spiritualia et nutritiva. Causa autem hujus est duplex. Quarum una est, quod animalia talia non accipiunt tantum cibi, quod venter eorum intumescat, propter quod necesse sit, quod natura removeat eis obstaculum tumoris illius, sicut fit in his quae habent pedes paucos vel nullos. Alia est, quia talia animalia fere omnia snut testea : et cum testa semper continua debeat esse a dorso descendens impediret.motum crurum si collectio esset ad dorsum.

Notandum est etiam, quod omne animal organa processivi motus habet paria, et secundum naturam motus ejus semper incipit a dextro : cujus signum est in homine et leone, qui semper praeponunt pedem dextrum, nisi aliter fiat per praemeditationem vel laesionem,