321. Incipiunt Decreta Simonis.

1. Sua Simon dat decreta,
Quod si bursa sit repleta,
Fiet praesul vel propheta
Davus, Birria vel Geta.

2. Non attendit probitatem
Neque mores nec aetatem,
Simon facit hunc primatem,
Hunc priorem, hunc abbatem.

3. Ad hoc pauper non accedit,
Accepturum nil se credit,
Nil habebat, nihil dedit.
Nec in sacra sede sedit.

4. Simon facit hos maiores,
Hos abbates, hos priores,
Nummos quaerit et non mores
Et nummatis dat honores.

5. Venter nimis incrassatus
Qualiscunque sed nummatus,
Apud omnes infamatus,
Quem plus inquinat reatus,
Si offerre sit paratus,
Fiet praesul et praelatus.

6. Et in sede collocatur,
Miser, a quo magis datur,
Tunc superbit, tunc inflatur,
Nil de Deo meditatur.

7. Sunt praelati, sed quid erunt?
Poenam tantum meruerunt,
Qui non crucem Christi ferunt
Nec salutem suam quaerunt.

8. QuinonportantcrucetnChristi,
Punientur poena tristi;
Si vis scire, qui sunt isti:
Praecursores Antichristi.

9. Nonsunt Christi, sed dicuntur,
Quia Christum non sequuntur,
Qui mundanis abutuntur
Et in caudam relabuntur.

10. Inter hoedos numerati,
Sunt a Christo condemnati,
Non electi, sed vocati,
Sunt gehennae cibus dati.

11. Nihil eis est virtuti,
Carne caro quaerit uti,
Praesul procurandae cuti
Plus intendit quam saluti.

12. Non fit sermo de virtute,
Non est cura de salute,
Sed in procuranda cute
Student omnes praeacute.

13. Et dum venter satiatur,
Vis ardoris excitatur,
Ut a Paulo praedicatur,
Nubit praeses, ne uratur.

14. Hi mendaces, bi periuri,
Grex porcorum Epicuri,
Sancto domate securi
Voluat nubere, non uri.

15. Sunt tenaces, sunt avari,
Dare nolunt, immo dari,
Nummos quaeruntcontemplari,
De favore populari
Volunt omnes gloriari.

16. Iudae perfidi sequaces,
Quos Veneris urunt faces,
Immo lupi sunt rapaces
Et hypocritae fallaces.

17. Omnes ad inferna tendunt,
QuiproposseChristumvendunt,
Solis opibus intendunt
Et nos male reprehendunt.

18. Omnes tamen in occulto
Perpetrant maiora multo
Deo semper inconsulto,
Sed reatu non induito.

19. Ventres male macilenti
Nihil exhibent egenti
Nec responsum dantquaerenti,
Nam in tantum sunt intenti
Fruttis auri vel argenti.

20. Quid de sexu non est cura
Et, si quaeris nosse plura,
Per hos sustinet natura
Turpi tantum in mistura
Violari sua iura.

21. Tales mores sunt eorum,
Talis vita praelatorum,
Et fiunt beati, quorum
Moles latent peccatorum
Per saecula saeculorum.