3. Mediae Noctis ad nocturnos videlicet hymnos.
10. Ad Deum et Sanctos Commendatio.
12. Cursus de sancta Trinitate. Ad Matutinum.
14. De sanctissima Trinitate. Ad Patrem.
15. 0ratio de sanctissima Trinitate et omnibus sanctis.
16. Oratio ad sanctum Spiritum Paraclitum.
20. Paraphrasis Orationis Dominicae.
21. Versus de Dominica Oratione.
22. Paraplirasis Orationis Dominicae.
26. Rhythmi sive oratio supra Psalmum De profundis.
40. De Generatione Christi aeterna et temporali.
42. De Incarnatione Christi secundum alphabetum.
46. Cursus de Nativitate Domini. Die Sabbati.
47. Oratio ad parvulum Iesum lactantem.
49. Versus de Epiphania Domini.
50. Oratio de hoc praedulci nomine Iesu.
52. Septem hymni continentes passionem Christi. Ad Completorium.
55. De Passione Domini meditatio rigiuica.
59. Planctus Christi patientis.
62. De Passione et Cruce Domini.
68. Salutatio Corporis Christi.
69. Salutatio Corporis Christi.
74. Ad singula membra B. Mariae V.
75. Ad Dominam nostram sanctam Mariam sedentem in throno.
77. Salutatio Angeli ad Mariam.
84. De Beata Maria V. Tempore Paschali.
85. Ad Beatam Mariam V. Tempore Paschali.
91. Septem gaudia caelestia gloriosae Virginis Mariae.
97. Alia pulchra metra super Salve regina.
98. Psalmus L. Beatae Mariae V. laudibus accommodatus.
99. Cursus de B. Maria V. Ad Laudes.
100. Rosarium Beatae Mariae V.
109. Versas in honore sanctae Mariae.
110. Versos in honore sanctae Mariae.
114. Oratio metrica de laude beatae virginis Mariae.
120. Versus ad laudem Virginis Beatae.
121. Salutatio alphabetiea et mystica de beata virgine Maria.
126. Carmina de Laudibus Virginis.
134. Oratio ad laudem beatae Mariae, matris Domini.
178. Cursus de Omnibus Sanctis. Feria tertia.
186. Cursus de Angelis. Feria secunda.
225. De s. Hugone Gratianopolitano.
226. De s. Hugone Lincolniensi.
230. De S. Iohanne Bridlingtoniensi.
231. De s. Iohanne de Bridlington.
234. De s. Iohanne Baptista. Ad Matutinum.
235. De s. Iohanne Evangelista.
236. De sancto Iohanne Evangelista. Ad Matutinum.
237. De sancto Iohanne Evangelista.
263. Salus de Maria Magdalena.
284. Ad sanctos tres Reges oratio.
285. De s. Richardo Eboracensi.
287. De s. Thoma Lancastriensi.
288. De ss. Thyrso, Palmatio et Sociis.
291. Misa de s. Willelmo Comite.
295. Iubilus gaudentis sed corde maerentis.
297. Adhortatio ad recte vivendum.
303. De Septem Vitiis Capitalibus.
316. De Vilipensione Mundanorum.
319. Metra contra haereticos et schismaticos.
321. Incipiunt Decreta Simonis.
328. Conflictus Iustitiae et Misericordiae.
331. De Vino et Venere vitandis.
1. Ad sermonem nostrae laudis,
Miseris quas nunquam claudis,
Aures tuae pietatis
Nunc inclina,
Orbis terrarum regina.
2. Dona nobis intellectum,
Ut loquamur, quod est rectum,
Ne iaxta pravorum morem
Incidamus in errorem.
3. Fac, vox nostra sit sonora,
Quo te laudet omni hora,
Et concelebret mens munda
Laudatione iucunda.
4. Mater Dei o benigna,
Angelorum laude digna,
Non ad plenum tua gesta
Cuiquam sunt manifesta,
5. Tua facta nec referre
Gens valet totius terrae,
Dum quisque pro posse suo
Psallit in honore tuo.
6. Si quis preces pro peccato
Adfert, has praesenta nato,
Offerre quae tibi cernis,
Mente devota non spernis.
7. Virgo sancta, mater Dei,
Ad quam confugiunt rei,
Ab his poenis, quas meremur,
Tua prece liberemur.
8, Splendor expers tenebrarum,
Quo processit lumen clarum,
Maria, virgo beata,
Sic fuit in mundo nata.
9. Orta genere regali
Gratia spirituali
Affluenter est imbuta,
Servans legis instituta.
10. Haec diligenter nutrita
Et honeste custodita,
Ioseph sancto desponsata,
Permansit inviolata.
11. Gabriel, Dei electus.
Ad quam estposthaec directus,
A quo pulchre salutata
Erubuit perturbata.
12. Verbis consolatur blandis,
Documentis venerandis
Ab angelo edocetur,
Quod mater Dei vocetur.
13. Cui sic respondet illa:
Ecce, Domini ancilla,
Fiat mihi, ut dixisti,
Sim genetrix Iesu Christi.
14. O puerpera sublimis,
O sancta, laudanda nimis,
Cui mysterium caeleste
Creditur angelo teste.
15. Suscipiens illud Ave,
Dulce verbum et suave,
Quod cunctis nimis est mirum,
Concipis nesciens virum.
16. Est tuum corpus intactum
Templum Dei in te factum,
Quem revera genuisti
Et [tuo] lacte pavisti.
17. Caelum, terram gubernantem
Dum conspiceres reptantem,
Piam dextram porrigebas
Et sustinens erigebas.
18. Hic in cunis dum vagiret,
Blandimentis, ut dormiret,
Saepius obtinuisti
Et pannis operuisti.
19. Mater Dei atque nutrix,
Esto nobis nunc adiutrix,
Sicut nos cognoscis velle,
[Et] peccata procul pelle.
20. O nova res et miranda,
Per saecula memoranda,
Qui terram palmo concludit,
Cum virgine matre ludit!
21. Qui caeli continet thronum
Et a quo est omne bonum,
Quemadmodum illi placet,
In sinu puellae iacet.
22. Quae laetatur, sicut debet,
Et oscula ei praebet,
More feminei sexus
Nato suo dat amplexus.
23. A quibusdam dubitatur
Haec viro cur desponsatur;
Dicamus, ne quis ignoret,
Nimirum, ut custos foret.
24. Demonstrat sancta scriptura,
Islud factum propter plura,
Scilicet, ut hunc antiquus
Non cognoscat inimicus.
25. Nam si vere cognovisset,
Deum non crucifixisset,
Pretio sanguinis empti
Nec fuissemus redempti.
26. Dedit illi Deus tale
Solacium maritale,
Ne corupta crederetur
Et ob hoc lapidaretur.
27. Princeps virginum, Maria,
Per te reddita est via,
Quam clauserat nobis Eva
Pro suasione saeva.
28. Forma, decus puellarum
Et sanctior feminarum,
Regem, iustitiae solem,
Gaudens esse tuam prolem.
29. Ut sanctus evangelista
Fideliter dicit ista,
Deum verum incarnatum
Confitemur tuum natum.
30. Verba, quae dixit propheta,
Cognoscimus adimpleta,
Dat Deus benignitatem
Propter suam caritatem.
81. Terra nostra dedit fructum
De caelestibus adductum,
Quo cibati et refecti
Universi sunt electi.
32. Hanc, ut psalmista praedixit,
Terram Deus benedixit,
Avertens captivitatem
Et dans nobis libertatem.
33. Praefulgida maris stella,
Iesum Christum interpella,
Ut tua prece placatus
Nostros expurget reatus.
34. In mundo pro quo pressuram
Tu sustinuisti duram,
Martyrium passa forte
Illius conspecta morte.
35. Capta nimio maerore,
Sauciata es dolore,
Dum dator aeternae lucis
Toleraret poenam crucis.
36. Tu assumptionis hora
Consurgens velut aurora,
Sicut cunctis est compertum,
Mundum relinquis desertum.
37. Adest angelorum coetus,
Et Iesus occurrit laetus,
In caelesti throno secum
Te locans, ut fuit aequum.
38. Inter claras margaritas,
In caelesti sede sitas,
Das fulgorem claritatis,
Nil habens obscuritatis.
39. Sancta sic glorificata,
Dilue nostra peccata,
Rogans regem sempiternum,
Ne cadamus in infernum,
40. Regnum quo possideamus,
In quo semper gaudeamus
Cum agminibus sanctorum
Per saecula saeculorum.