201. De sancta Caecilia.

1. Salve, sancta Caecilia,
Vere Mariae filia,
Sprevisti carnis vilia,
Caeli amasti lilia.

2. Salve, quod Dei filium
Sic dilexisti unicum,
Quod eius evangelium
Semper gerebat cor tuum.

3. Salve, quia angelico
Aspectu et alloquio
Perfruebaris saepius
Diebus atque noctibus.

4. Salve, sponsa cum virgine
Quae pro tuo precamine
Esse vera meruisti
Gratia praestante Christi.

5. Salve, virgo, cilicio
Tua membra, ieiunio
Quae domabas exterius,
Ut templum esses spiritus.

6. Salve, quae Valerianum
Pium eius et germanum
Christi fidem docuisti
Et martyrem effecisti.

7. Salve, tuo cum coniuge
Quod sine lege coniugum
Vitam duxisti caelibem
Juxta Mariam virginem.

8. O felices vos personae,
Quibus datae sunt coronae
Factae rosis ac liliis
A manibus angelicis !

9. Salve, virgo, quae impium
Superasti Almachium
Ratione, vi verborum
Tibi caelitus datorum.

10. Salve, verna studiosa,
Ut apis argumentosa,
Christo pure serviendo,
Incredulos convertendo,

11. PerquodChristuspraedicatur,
Exaltatur et laudatur,
Quod puellam virginalem
Famulam haberet talem.

12. Salve, quae te tradidisti
Ad mortem amore Christi,
Quemprome, quaeso, implora
Mecum sisque mortis hora.

13. Salve, tuum corpusculum
Quod inter tumbas praesulum
Digne locari meruit
Signisque multis claruit.

14. Salve, [martyr] gloriosa,
Inter virgines famosa,
Quae a matre benedicta
Sancta virgo tu es dicta.

15. Rogo, sancta Caecilia,
Me Christo reconcilia
Atque tua per merita
Absterge mea crimina.