291. Misa de s. Willelmo Comite.

Introitus.

1. Omnes confitemini

Deo, quia bonus,
Cuius iugum suaviter

leve fertur onus,
Ad laudum praeconia

surgat quisque pronus,
Cui servit terra

caelieus atque thronus.

Officium.

2. Dona, Christe, comiti

requiem aeternam,
Consequatur gratia

lucem sempiternam,
Christus, pro quo spreverat

gloriam modernam,
Laudibus ac hymnis

ferat ad Sion ille supernam.

Oratio.

3. Inclina, misericors

Deus maiestatis,
Lacrimosis precibus

aures pietatis,
Rogamus clementiam

summae deitatis:
Gaudia Willelmo

da, Kyrie, fons bonitatis.

Epistula.

4. Libro sumpta lectio

de Maccabaeorum ;
Iudas vir fortissimus,

collectam bonorum
Misit Ierosolymam

pro factis reorum,
Delicti veniam

sperans per manus eorum.

Gradale.

5. Requiem spiritibus
dona defunctorum
Et eos a nexibus
solve delictorum,

De profundis clamitant
voces peccatorum,

Quas audire velis,
Deus, unica spes miserorum.

Evangelium.

6. Sequens evangelium

hic per Lucam datur,
Panis Dei filius

vivus nuncupatur,
Vivent, qui comederint,

quibus mors negatur,
Sanguinis in potu

virus procul omne fugatur.

7. Praesumunt Iudaicae

gentes admirari,
Quaerunt, caro quomodo

possit manducari,
Modum quaerunt, sanguinis

in quo potum dari
Convenit his, quos vult

Deus in sublime locari.

8. Ipsa demum veritas

dicens attestatur:
Carnem non vescentibus

vita denegatur,
Qui non gustat sanguinis

potum, condemnatur
Et per contemptum

sibi mors iterata paratur.

Offertorium.

9. Gloriae rex, animas

salva defunctorum

Et depressas libera

mole peccatorum,

Signifer archangelus

Michael istorum
Ad lucem ducat,

qui spes est certa laborum.

Secveta.
10. Hostias offerimus

plebis pro peccatis,
Pro vivis te petimus
morti ferae datis

Et defunctis aperi

fontem pietatis,
Quos tu plasmasti,

Iesu, miserere renatis,

Praefatio.
11. Imperans per saecula
cuncta saeculorum.
Amen dicit populus

et plebs electorum,
Sursum corda, domino
subdant dominorum,
Cui Cherubim serviunt
ac agmina sancta polorum.

Sanctus.
12. Sanctus rec pacificus,
mortis triumphator,
Sanctus rex magnificus,

omnium creator,
Sanctus caeli patriae

gloriae donator,
Nomine sit Christi
veniens benedictus amator.

Benedictus.
13. Illi, per quem libera
tua fit Susanna,
Coetus in excelsis
sanctorum dicat Hosanna.

Canon.
14. Iuste iudex patiens
et salvator Deus,
Virgo mater, Simeon
et Bartholomaeus,
Adreasque Iacobus,

Paulus et Taddaeus,
Barnabas et Lucas,

Clemens, Petrus atqueMat-
thaeus,
15. Orate pro comite

mundi redemptorem,
Qui redemit miseros

sanctum per cruorem,
Ut Willelmus tartari
poenas et horrorem
Transeat illaesus,

non sentiat inde dolorem.

Pater Noster.

16. Qui venturus saecula

cuncta iudicare,
Praeceptis salubribus

monet nos orare.
Die pater, si moribus

te vis informare,
Digneris nomen

in nobis sanctificare.

17. Tuum regnum veniat,

tuum fiat velle,
In terris ut solio,

quo figuntur stellae,
Panem dona iugiter

dulciorem melle,
Debita dimitte,

temptamina cuncta repelle.

Sed libera.

18. Libera nos, Domine

rex, a cunctis malis,
Sub tuis continue

protegamur alis,
Dele, quod commiserat

homo bestialis,
Sit nobis scutum

maiestas imperialis.

Pax et Agnus Dei.

19. Pax tua continua

sit Willelmo, Christe,
Illa, quam non poterat

dare mundus iste.
Agnus suo sanguine

tollens omne triste,
Ad verum pacis

auctorem transeat iste.

Communio.

20. Pro cuius memoria

corpus est oblatum,
Sanguis sumptus redimens

miserum reatum,
Liberans a carcere

servum captivatum,
Christe, tuum pugilem

tecum fac esse locatum.

Postcommunio,

21. Sumpta sacrificia

tergant, quod peccavit,
Cuius virtus comiti

donet, quae optavit,
Summi dator praemii,

pro quo dimicavit,
Hoc sibi donet rex,

quod fida mente paravit.

22. Per patrem, per filium

et per sanctum flamen,
Deus, cuius omnia

tremunt ad examen,
Omnes sancti comitis

assint ad tutamen,
In pacis requie

Willelmus dormiat. Amen.