319. Metra contra haereticos et schismaticos.

1. Mirentur mundi climata
Haereticorum schismata,

Zizania dotata,
Evulsa iacent lilia,
Rosa simulque viola,

Lolia radicata.

2. Insurgit matri filia,
Pereunt dotalitia

Summae caritatis,
Propalatur horridorum
Forma nunc haereticorum
Saeculo toto satis.

3. Est eorundem bonitas
Vultus, sed mentis acritas,

Hypocritarum nota;
Eloquia blandifera
Venena sunt viperea,

Nubila puritatis.

4. Statuta sanctis tradita
Emendatione addita

Rumpunt viri fallaces,
Fantur inventa frivole,
Ach, infausti agricolae

Profani, mendaces !

5. Eia, sanctorum agmina,
Tangentia caeli culmina,
Coinprimite peccatores,
Fertur iam inaudibile
Omnibusque odibile,
Sancti non venerantur.

6. Horae iam nunc denegantur,
Orationes depravantur,

Undique lacerantur,
Signum crucis iam rumpitur
Imagoque deicitur,

Omnia frustrantur.

7. Omnino benedictio
Spernitur et aspersio

Semoto rubore,
Infantes iam apportantur,
Fluminibus coaptantur

Spreto fontis more.

8. Infirmus non perungitur,
Oleumque despicitur

Sacrum et vilescit,
Defunctus iam deducitur
Et tumulo recluditur

Campana non pulsanti.

9. Diffidunt purgatorio,

Ob quod non datur promotio

Animae migranti,
Descendunt antra barathri,
Ianuam atri Cerberi,

Sunt comites Plutonis.

10. Pauperes non sunt spiritu,
Comprobatur bono ritu,

Nam gliscunt aes habere;
Refutant enim obolum
Poni in offertorium,

Sunt deceptores vere.

11. Obuio nec pellinum,
Cinturae nec capucium,

Non aptantur phalera;
Delicati sunt martyres,
Cibos non nisi nobiles

Volunt deglutire.

12. Assunt et potabilia
Nisi bene nobilia,

Quodpossintmensampolire;
Domentur ergo baculo,
Molares iungantur et collo,

Profundo madentur.

13. Non nisi nunc garrulizant,
Ubique infatuizant

Oves alienas,
Oboedientiam non sequuntur,
Omnes simul inducuntur
Ad aeternales poenas.

14. Infelices latrunculi,
Omnis virtutis aemuli,

Ubique divagantur,
Caritas periclitatur,
Dum per eos praedicatur,

Ut omnes expellantur.

15. Pastores ecclesiarum,

Quod non admiretur parum,

Et ipsi involvuntur
In ipsorum divitias,
Sectantes contumelias
Laicorum comitatu.

16. Latinitas paenuriam
Patitur et iniuriam,
Omnia vulgantur,
Brunus possidet cathedram
Ad scripturam reserandam,
Rustici magistrantur.

17. O quanta ignominia,
Dum iam cruenta bestia

Supplet vicem praelati !
Laicorum nunc collegium
Inurget clero taedium

Clamore bestiali.

18. Argumentum latratorum
Pugno, gladio, framea

Solvitur hostili,
Consonum benedicatur,
Ut laicus aratro iungatur

Spreto argumento.

19. Ideo iam non retaxet,
Condita cervix non laxet,

Fibria non somnizet,
O stupendorum genera
Illicitorumque foedera,
Aer ne agonizet.