146. De Beata Maria V.

1 a. Area,

Rosea,

Vinea
Poderis,

Scirpea,

Vitrea,

Laurea,
Aetheris
Lux miseris
Asserens.

Ib. Aurea,

Turea,

Mellea
Nasceris,

Gemmea,

Lactea,

Myrthea
Superis
Et inferis
Extolleris.

Ic. Olea
Iudaea,
Iessea

Diceris,
Tu dea
Nivea,
Laus mea,

Aderis,

Quae flecteris,

Dum poscens.

2 a. Erravimus,
Peccavimus

Et Dominum offendimus,
Id luimus,
Quod lusimus,
Hoc bravio, dum currimus
Id stadio, deficimus.

2 b. Sed gemimus
Et petimus,
Ut emundetur animus,
Nam serimus,
Quod fecimus,
Sed ad portum confugimus,
Dum virginem requirimus.

2 c. Rex optimus,
Altissimus

In hac regnat humillimus,
Quo surgimus,
Quo vivimus,
Quo veterem exuimus
Adam, novum induimus.

3 a. Plebi miserae,
Lapsae temere,
Sere
Propere
Nectar ab aethere.

3 b. Prolis liberae
Parens, nitere
Vere
Reddere
Vitam pro munere.

4 a. In te sidere
Detur surgere,
Mente cernere,
Munde vivere,
Iugo subdere

Lasciviae iumentum.

4 b. Caeco vulnere
Nos occumbere
Dat carnis blandimentum,
Sed da vivere,
Da conterere

Vipereum pigmentum.

5 a. Speciosa
Virgo rosa,

Salva peccatores,
Gratiosa,
Virtuosa,

Fac nos meliores.

5 b. Trans clivosa,
Trans saxosa

Rege in amores,
Per spinosa,
Per umbrosa

Dirige cursores.

6 a. Generosa,
Luminosa,

Tuos da fulgores,
Ne lutosa,
Bituosa

Trahant transgressores.

6 b. Animosa,
Gloriosa,

Submove tortores,
Hic annosa
Procellosa,

Stringe percussores.

7. Ave, virgo caelica,
Flos specialis
De stirpe Davidica,

Laus virginalis,
Sponsio prophetica,
Sanguis regalis.

8 a. Lux maritalis,
Spes vidualis,

Da gaudia,

Lux, via

Praevia,
Thalamus decoris,
Mater salvatoris.

8 b. Tu curialis

Pagina moralis,

Tu Maria,

Tu pia

Venia,
Salus peccatoris,
Genetrix pudoris.

8 c. Stella navalis,
Lux verticalis

In patria.

Gloria,

Filia,
Tui genitoris,
Summi conditoris.

9 a. Nostris hostibus

Subrepentibus

Tuis viribus

Subeas,

Niteas

Et nos adeas,
Cynthia fulgoris.

9 b. Tuis precibus
Tersis sordibus
Nostris mentibus
Deleas,
Paleas
Et exhibeas
Pascua viroris.

9 c. Nobis flentibus
Et labentibus
In his rupibus
Advehas,
Augeas,
Nostri foveas
Gratiam vigoris.

10 a. Singularis
Stella maris,

Decor et flos floram,
Sublimaris,
Adornans,

Vernans aula morum.

10 b. Exemplaris,
Militaris

Vita beatorum,
Popularis,
Praesularis

Laus et spes reorum.

11a. Virgo parens absque pari
Munda nos, emunda,
Pietate puellari
Nobis inunda,
Mellis , .

. . . . unda.

11b. In gehenna carcerari
Plebe cum immunda
Nobis absit, sed ornari
Stola iucunda
Fac in Christi
corona rotunda.

12. Propera, libera,
Sanes ut vulnera
Animae mortifera,
Resera, lux, sidera.

13 a. Nostrum desiderium,

O desiderata,
Extingue cauterium,

Quo fervent peccata,
Caro dum incendium

Parit inflammata.

13 b. Sed tu, candens lilium,
Deo conformata,
Flentium refugium,
Absterge reata

14. Cantica
Lyrica,

Rhythmica finio,
Mystica
Caelica

Cantans in gaudio,

Quiete fruar praevio

Praesidio.