3. Mediae Noctis ad nocturnos videlicet hymnos.
10. Ad Deum et Sanctos Commendatio.
12. Cursus de sancta Trinitate. Ad Matutinum.
14. De sanctissima Trinitate. Ad Patrem.
15. 0ratio de sanctissima Trinitate et omnibus sanctis.
16. Oratio ad sanctum Spiritum Paraclitum.
20. Paraphrasis Orationis Dominicae.
21. Versus de Dominica Oratione.
22. Paraplirasis Orationis Dominicae.
26. Rhythmi sive oratio supra Psalmum De profundis.
40. De Generatione Christi aeterna et temporali.
42. De Incarnatione Christi secundum alphabetum.
46. Cursus de Nativitate Domini. Die Sabbati.
47. Oratio ad parvulum Iesum lactantem.
49. Versus de Epiphania Domini.
50. Oratio de hoc praedulci nomine Iesu.
52. Septem hymni continentes passionem Christi. Ad Completorium.
55. De Passione Domini meditatio rigiuica.
59. Planctus Christi patientis.
62. De Passione et Cruce Domini.
68. Salutatio Corporis Christi.
69. Salutatio Corporis Christi.
74. Ad singula membra B. Mariae V.
75. Ad Dominam nostram sanctam Mariam sedentem in throno.
77. Salutatio Angeli ad Mariam.
84. De Beata Maria V. Tempore Paschali.
85. Ad Beatam Mariam V. Tempore Paschali.
91. Septem gaudia caelestia gloriosae Virginis Mariae.
97. Alia pulchra metra super Salve regina.
98. Psalmus L. Beatae Mariae V. laudibus accommodatus.
99. Cursus de B. Maria V. Ad Laudes.
100. Rosarium Beatae Mariae V.
109. Versas in honore sanctae Mariae.
110. Versos in honore sanctae Mariae.
114. Oratio metrica de laude beatae virginis Mariae.
120. Versus ad laudem Virginis Beatae.
121. Salutatio alphabetiea et mystica de beata virgine Maria.
126. Carmina de Laudibus Virginis.
134. Oratio ad laudem beatae Mariae, matris Domini.
178. Cursus de Omnibus Sanctis. Feria tertia.
186. Cursus de Angelis. Feria secunda.
225. De s. Hugone Gratianopolitano.
226. De s. Hugone Lincolniensi.
230. De S. Iohanne Bridlingtoniensi.
231. De s. Iohanne de Bridlington.
234. De s. Iohanne Baptista. Ad Matutinum.
235. De s. Iohanne Evangelista.
236. De sancto Iohanne Evangelista. Ad Matutinum.
237. De sancto Iohanne Evangelista.
263. Salus de Maria Magdalena.
284. Ad sanctos tres Reges oratio.
285. De s. Richardo Eboracensi.
287. De s. Thoma Lancastriensi.
288. De ss. Thyrso, Palmatio et Sociis.
291. Misa de s. Willelmo Comite.
295. Iubilus gaudentis sed corde maerentis.
297. Adhortatio ad recte vivendum.
303. De Septem Vitiis Capitalibus.
316. De Vilipensione Mundanorum.
319. Metra contra haereticos et schismaticos.
321. Incipiunt Decreta Simonis.
328. Conflictus Iustitiae et Misericordiae.
331. De Vino et Venere vitandis.
De profundis.
1. Huius mundi de profundis
Et secundi de secundis
Erue me, Iesu pie,
Daque viam dextrae viae,
Qui peccantes nunquam spernis,
Sed benigno vultu cernis,
Dum peccasse se cognoscunt
Veniamque cordis poscunt.
Illud satis ostendisti,
Cum Mariam suscepisti,
Peccatricem Magdalenam,
Sorde foedam, sorde plenam.
Fiant aures.
2. Aures flecte pietatis,
Qui peccantium peccatis
Sublevamen contulisti,
Quando carnem assumpsisti,
Meque deprecantem audi
Et auditum mox exandi.
Si iniquitates.
3. Iniquitates patravi
Me patrare nec expavi,
Quas si deles, sum salvatus,
Si non deles, sum damnatus.
Quia apud te propitiatio.
4. O quam clemens, quam benignus,
0quam magnus, oquam dignus,
Laude Deus, es creator,
Miserorum reparator
Nobisque propitiator.
Homo factus, morti datus
Nostra diluit delicta,
Cuius morte mors est victa.
Sustinuit anima mea.
5. Illud verbum, quod in primis
Cuncta fecit et in imis
Dominatur ac superna,
Gubernat, lux et lucerna
Illuminans tenebrosa,
Sicca regens et aquosa,
Illud ergo supplex oro,
Quod me collocet in choro
Spirituum beatorum
Post ruinam saeculorum.
A custodia matutina.
6. Christe, stella matutina,
Qui traxisti de sentina
Protoplasma gehennali
Morsu solvens morsum mali,
Praesta mihi peccatori
Cum confessione mori,
Ne mors forte repentina
Locum tollat, tu festina
Mihi, Iesu, subvenire
Neque sinas me perire.
Quia apud Dominum.
7. Sed quid plura dicam ego,
Qui per multa loca lego,
Quod misericors, quod pius
Es ille Dei filius,
Qui clamat omnibus horis:
Nolo mortem peccatoris,
Revertere, Sunanitis.
Tu es palmes, ego vitis,
Si vis ferre fractum bonum,
Recognosce me patronum;
In me sta, sicut in vite
Patmes facit, quia vitae
Utriusque sum donator
Legis atque legislator.
Et ipse redimet Israel.
8. Qui de manu Pharaonis
Et de iugo Babylonis
Israelem redemisti,
Quando dices: Vadant isti
Ad interitum aeternum,
Et illi regnum supernum
Habeant cum patre meo,
Tunc ignosce mihi reo,
Quidquid perpetravi mali,
De poenaque barathrali
Custodias me miserum,
Ut te laudem Deum verum
Per saecula infinita.
Amen, Amen fiat ita.
Gloria patri.
9. Deo patri sit gloria,
Qui potenti potentia
Colla calcat sublimia
Et exaltat humilia,
Cuius magnificentia
Creat et fovet omnia.
Laus perennis sit filio,
Qui de patris consilio
Victo mortis imperio
Nos duxit ab exsilio
Sanctorumque concilio
Iunxit et cacli gaudio.
Ab utroque spirans flamen,
Mihi, rogo, sis solamen,
Dum ad iudicis examen
Venero, ne damner. Amen.