243. De sancta Katharina.

1. Plebs fidelis et devota,
Katherinam mente tota
Laudet istam, cum sit nota

Angelis, hominibus.
Istae laudes Katherinae
Quasi dulces medicinae
Nobis prosint sine fine

Ipsam diligentibus.

2. Quam felices, qui hoc audent,
Katherinam si collaudent
Nec ab eius se defraudent

Maximis auxiliis.
O quam fortis est inventa
Inter aspera tormenta,
Cuius membra sunt distenta
Gravibus suppliciis.

3. Crucifixi per amorem
Tulit poenam et dolorem,
[Fundit olei liquorem],

Quo sanantur languidi,
Per quam funditus mundati
A foetoribus peccati
Secum simus coronati

Claritate fulgidi.

4. Felix ista Katherina,
Plena gratia divina,
Tamquam stella matutina

Micat in caelestibas,
Cuius corpus honoratum,
Virginale, tam beatum,
Est in Sinai delatum

Angelorum manibus.

5. Katherina, mater pia,
Esto nobis dux et via,
In caelesti hierarchia
Nos gaudere facias.
Sapientes convertisti
Ad beatam fidem Christi,
Confortando quos duxisti
Ad caeli delicias.

6. Katherina, decus morum,
Tu dulcedo devotarum,
Tu dilecta angelorum,
Sis nobis propitia.
Eia ergo, quae mereris,
Quam in caelo palmam geris.
Nos perducere digneris
Ad aeterna gaudia.