4. Rhythmus Matutinus.

Adest tempus matutinum, dulce gallinicium,

Quo morte perempta redit salvator ab inferis,

Ille blandus et tremendus, mitis et terribilis,

Qui crucis in ara pie nostrum flevit vespere

Et patri conciliavit toto fissus corpore,

Se pro nobis offerendo hostiam placabilem,

Holocaustum singulare, victimam mirabilem,

Mire multum, libra pensum, dulce sacrificium.

Hinc manarunt sacramenta, quis constat ecclesia,

Sanguis, aqua, vita nostra, mystica redemptio,

Pax enormis et dulcedo, lucida purgatio,

Quam providit et quadrato protulit senario.

Hinc ita surrexit Christus, blandus et fulgoreus,

Qualis est electis Christus, qualis peccatoribus,

Sicque restat sepultura, qua quiescunt mortui,

Lux aeterna, mane nostrum lumenque perpetuum,

Hoc currens nobis per simplum et proturbans geminum,

Quod docebat ad sepulcrum iuste sedens angelus.

Ergo te precamur, Deus fortis et omnipotens,

Vota nostra matutina digneris suscipere,

Nostros dies tua pace placeat disponere,

Dimittas peccata nostra, parcas facinoribus,

Salvans nos, vigil aeternus, a mortis operibus,

Facias nos crueifixos vitiosis actibus

Atque tibi consepultos quadratis muneribus.

Ut cum dies repentina tremendi iudicii

Coeperit clarere cunctis, specie terribilis,

Et tubae clangor audiri, qua resurgunt mortui,

Nos cognoscere digneris tuos esse propiios,

Immutatos, incorruptos pariterque lucidos,

Ac tales digneris parti deputare dexterae.

Atque ista modo primis ostendens auspiciis

Hunc diem sine peccato tribuas transigere

Hisque votis simul iunge, Deus clementissime,

Opem miseris instanter, da misericorditer,

Quo tibi possimus, Deus, adhaerere iugiter

Et tibi placere semper concede salubriter.

Gloria sit Deo nostro, patri potentissimo,

Proli magnae atque sancto flamini paraclito,

Quorum est una maiestas per aeterna saecula.

Adest tempus matutinum, dulce gallinieium,
Ille blandus et tremendus, mitis et terribilis
Et patri conciliavit, toto fisus corpore,
Holocaustum singulare, victimam mirabilem.
Hinc manarunt sacramenta, quis constat ecclesia,
Pax inormis et dulcedo, lucida purgatio,
Quam providit et quadrato protulit senario.
His ita surrexit Christus, blandus et fulgoreus,
Qualis est electis Christi, qualis peccatoribus,
Lux aeterna, mane nostrum lumenque perpetuum,
Nostros dies tua pace placeat disponere,
Dimittas peccata nostra, parcas facinoribus
Atque tibi consepultas quadratis muneribus,
Coeperit clarere cunctis specie terribilis,
Nos cognoscere digneris tuos esse proprios
Ac tales digneris parti deputare dexterae.
Hunc diem sine peccato tribuas transigere,
Quo tibi possimus, Deus, adhaerere iugiter.
Gloria sit Deo nostro, patri potentissimo.