304. Oratio devota ad sanctam trinitatem et beatam Mariam virginem
pro peccatorum venia et gratia impetranda.

1. Pater [sancte], a quo mundus

lege firma regitur,
A quo certa ratione

benigne disponitur,
Parce plebi, quae a Christo

christiana dicitur.

2. Adonai, ab inferni
defende periculo,
Quos dilecti sacravisti

filii vocabulo,
Quos eiusdem redemisti
salubri patibulo.

3. Fili Dei, Iesu Christe,
dominator, Domine,
Qui pro mundi medicina

natus es ex virgine,
Placa patri nos, quos tuo
redemisti sanguine.

4. Athanatos mediator
Dei atque hominum,

Firma pactum pacis huius
inter nos et Dominum,

Ne privemur regno Dei
pro commisso criminum.

5. Qui procedis ab utroque,

paraclete spiritus,
Cuius ignis inflammavit

fideles divinitus,
Hoc eodem nostras sordes

igne crema penitus.

6. Hoc eodem nostrae mentis

oculos illumina,
Hoc eodem sensus nostros

scabrosos examina,
Hoc eodem universa

nostra dele crimina.

7. Trinus Deus in personis,
unus in substantia,

Culpas nostras et reatus
plena dele venia

Et sic mundos a peccatis
reduc ad caelestia.

8. Ave, virgo, Dei mater,
vera spes fidelium,

Porta caeli, stella maris,
recti cursus bravium,

Summa legis, forma pacis,
salutis exordium,

9. Ave, virgo, ave, feta,
ave, plena gratia,

Ave, sponsa, ave, mater,
ave, Dei filia I

Quam diversa facis unum,
[o] omnipotentia !

10. Fons signatus, sacramenti
summi receptaculum,

Scala Iacob, domus David,
Salomonis ferculum,

A leonis ore salva
christianum populum.

11. Theotocos, virga Iesse,
oliva fructifera,
Templum Dei, arca Noe,

columba pacifera,
Ab inferni nos charybdi
in aeternum libera.

12. Turris, a qua pendet omnis

armatura fortium,
Rosa florens, sacra vitis,

lilium convallium,
Medicina peccatorum,

virtutis donarium.

18. Uva dulcis, flos suavis,

nardus odorifera,
Virgo semper gloriosa,

sublimis puerpera,
Praebe nobis abortivis

pietatis viscera.

14. Orientis porta clausa,
quam vidit Ezechiel,

Mensa regis, ad quam dapes
tulit ipse Gabriel,

Quorum opem in leonum
lacu sensit [Daniel].

15. [ Virgo, liber vitae, clausus
permanens in] saecula,
Cuius potest solus agnus

solvere signacula,
In hoc nostra precum stilo
conscribe vocabula.

16. Tuae, virgo, sanctitatis
luce nos irradia
Et sic tua pia prece

Deo reconcilia,
Ut post mortem gloriemur
in caelesti patria.

17. Ad hoc, omnes potestates
virtutum caelestium,

Adhoc, omnes sancti, vestrum
petimus auxilium.

18. Miserere nostri, Deus,
in personis trinitas,
Miserere, miserere

nostri, simplex unitas,
Te spiritus omnis laudet,
sempiterna deitas.