Dicit igitur :

" Filiae Jerusalem. "

Et ex hoc patet, quod multae personae de Jerusalem devotae sibi fuerunt. Aliter etiam, Filiae Jerusalem sunt filiae aeternae pacis. Ad Galat. IV, 26 : Illa quae sursum est Jerusalem, libera est : quae est mater nostra. Tamen magis hic litteraliter loquitur Dominus. Luc. XIX, 41 et 42 : Videns civitatem Jerusalem, flevit super illam, dicens : Quia si cognovisses et tu, supple, fleres. Ideo ergo vocat filias Jerusalem.

" Nolite fiere super me. "

Ego enim patior ad redemptionem omnium. Ego etiam morior tertia die resurrecturus. Osee, VI, 3 : Vivificabit nos post duos dies, in die tertia suscitabit nos. Matth. XII, 40 : Sicut fuit Jonas in ventre ceti,... sic erit Filius hominis in corde terrae. Unde, Psal. XXIX , 6 : Ad vesperum demorabitur fletus, et ad matutinum laetitia. Eccli. XXII, 11 et 12 : Modicum plora supra mortuum, quoniam requievit. Nequissimi autem nequissima vita, et ille magis plangendus est.

" Nolite ergo fiere super me, "

" Sed super vos ipsas flete. "

Quia multae ex vobis sunt, quae malum civitatis oculis corporis videbunt. Thren. I, 16 : Idcirco ego plorans, et oculus meus deducens aquam, quia longe factus est a me consolator, convertens animam meam. Psal. cxviii, 136 : Exitus aquarum deduxerunt oculi mei.

" Et super filios vestros, "

Qui in captivitate Jerusalem involventur. Matth. XXIV, 19 : Vae praegnantibus et nutrientibus in illis diebus. Illi enim filii qui nunc nutriuntur, in captivitatem deducentur. Thren. I, 16 : Facti suntfilii mei perditi, quoniam invaluit inimicus. Et est ac si diceret : Ne lamentemini me moriturum, cujus cita resurrectio mortem solvere potest, cujus mors mortem et ipsum mortis auctorem destruet. Osee, XIII, 14 : Ero mors tua, o mors : morsus tuus ero, inferne. Vos potius, vestramque progeniem dignis lacrymarum fontibus abluite, ut non cum perfidis damnemini in ultionem meae crucis et passionis. Hujus autem tangit causam :

" Quoniam ecce."

Quasi dicat: In evidenti est, jam appropinquant. " Venient dies " mali destructionis Jerusalem. Luc. XIX, 43 et 44 : Quia venient dies in te ,... et coan- I gustabunt te nudique, et ad terram prosternent te. et filios tuos qui in te sunt. si

" In quibus dicent " habitatores Jerusalem :

" Beatae steriles. "

Sapient. III, 13 et 14 : Felix est sterilis, et incoinquinata, quae nescivit thorum in delicto : habebit fructum in respectione animarum sanctarum: etspado qui non est operatus per manus suas iniquitatem.

" Et ventres qui non genuerunt. "

Isa. Liv, 1 : Lauda, sterilis, quae non paris : decanta laudem, et hinni, quae non pariebas. Omnes ventres qui pariunt, sic pariunt, quod ipsi comedunt partum ventris sui. Deuter. XXVIII, 56 et 57 : Tenera mulier et delicata, quae super terram ingredi non valebat, nec pedis vestigium figere, propter mollitiem et teneritudinem nimiam, invidebit viro suo qui cubat in sinu ejus, super filii et filiae carnibus, et illuvie secundarum, quae egrediuntur de medio feminum suorum, et super liberis qui eadem hora nati sunt : comedenl enim eos elampropter rerum omnium penuriam in obsidione et vastilale, qua opprimet te inimicus tuus mira portas luas.

" Et ubera quae non lactaverunt. "

Quia illae matres in natis non habebunt afflictionem, et fugae impedimentum. Job, III, 11 et 12 : Quare non in vulva mortuus sum ? egressus ex utero non statim perii ? Quare exceptus genibus ?Cur lactatus uberibus ? Pondus enim natorum ad pectus pendentium, in illa

die erit angustia nutrientium, et fugae impedimentum. Deuter. XXVIII, 54 et 55 : Homo delicatus in te, et luxuriosus valde, invidebit fratri suo, et uxori quae cubat in sinu suo, ne det eis de cornibus filiorum suorum, quas comedet: eo quod nihil aliud habeat in obsidione et penuria. Et ideo prae augustia,

" Tunc incipient dicere montibus : Caditesuper nos. "

" Incipient, " inquam : quia dicitur,

Matth. XXIV, 8, et Marc, XIII , 8 : Initium dolorum haec. Sed consummatio dolorum erit multo asperior in propriis personis, quam initia sint in personis natorum. Incipient ergo tunc dicere " montibus. " Apocal. VI, 16, eadem verba continentur de angustia finis mundi, qui multo erit angustiosior quam captivitas Jerusalem. Osee, x, 8 : Dicent montibus : Operite nos : et collibus : Cadite super nos. Desiderabunt enim mortem, et mors fugiet ab eis, ut diu moriantur, et numquam permorianlur. Amos, IX, 4 : Ponam oculos meos super eos in malum, et non in bonum.

" Quia si in viridi ligno, etc. "

Ecce tangit causam ex judicio comparalionis, dicens : " Quia si " haec judicia fuerunt " in viridi ligno, " hoc est, in me et sanctis meis, qui sumus ligna viridia, qui fructum facimus virtutis et honestatis, qui floremus omni pulchritudine virtutis, qui foliis umbrosis medicinales sumus in omne medicamentum aegritudinis. Ezechiel. xlvii, 12 : Folia ejus od medicinam. Et ista sunt verba Jeremiae, XVII , 8 : Erit quasi lignum quod transplantatur super aquas, quod ad humorem mittit radices suas... Et in tempore siccitatis non erit sollicitum, nec aliquando desinet facere fructum. I Petr. IV, 17 et 18 : Tempus est ut incipiat judicium a domo Dei. Si autem primum a nobis, quis finis eorum qui non credunt Dei Evangelio ? Et si justus quidem vix salvabitur, impius et peccator ubi parebunt ? II ad Timoth.III , 12 : Omnes qui pie volunt vivere in Christo Jesu, persecutionem patientur.

" In arido quid fiet? "

Hoc enim ad nihil aptum est, nisi ut sit aeterni ignis materia. Isa. xxx, 33 : Praeparata est ab heri Topheth, a rege praeparata, profunda, et dilatata. Nutrimenta ejus, ignis et ligna multa. Proverb. XI, 31 : Si justus in terra recipit, quanto magis impius et peccator. Luc. XVI, 25 : Fili, recordare, quia recepisti bona in vita tua, et Lazarus similiter mala : nunc autem hic consolatur, tu vero cruciaris.

" Ducebantur autem et alii duo nequam cum eo, ut interflcerentur.

Et postquam veneruntin locum qui vocatur Calvariae, ibi crucifixerunt eum : et latrones, unum a dextris, et alterum a sinistris. "

Ecce iniquorum cum Christo associatio, quod est quartum istius partis.