485. De sancto Vincentio.
Ad Laudes.

1. Vincentii pracconia
Clerus depromat hodie,
Ipsum Christi clementia
Duxit ad thronum gloriae.

2. In coelesti hierarchia
Honor sit sanctis omnibus,
Nova sonet harmonia
In Vincentii laudibus.

3. Noster athleta Domini
Superavit immania
Et rem conformans nomini
Tormenta vicit omnia.

4. Cruciandus exponitur
In tormentis durissimis,
Martyris corpus scinditur
In poenis amarissimis.

5. Ecce, nudantur viscera,
Sanguis per membra defluit,
Coeli meretur munera,
Dum ejus cor concaluit.

6. Nobilis ejus spiritus
Candentes ferri macbinas
Ultro conscendit, coelitus
Superans ferri laminas.

7. Tyrannus spargi testulas
Jussit in taetro carcere,
Sibi lucratus maculas
Sanctum ditavit munere.

8. Jesus, salvator omnium,
Tormenta hic durissima
Splendorem praebens nimium
Reddidit suavissima.

9. Vincens tormenta omnia
Portatur ad mollitiem,
Transit ad coeli gaudia,
Tyrannus ad perniciem.

10. Summo Deo sit gloria,
Vincentii qui precibus
Nos in superna curia
Coeli conjungat civibus.