201.

la. O mira caritas,
Mira bonitas,
Immortalitas
Et aeternitas,
Comparantur imis
coelestia.

1b. O rara veritas,
Vera raritas,
Tota deitas
Et immensitas
Clauditur in ventris
angustia.

2a. O virgo virginum,
Lumen luminum,
Portans Dominum,
Regem omnium,
Porta non aperta
fit pervia.

2b. O vallis humilis,
Non arabilis
Neque satilis,
Tamen fertilis.
Coeli fecundatur
a pluvia.

3a. Stupet natura
Nova jura,
Mira mirum

stupent haec omnia.

3 b. Tu, virgo Jesse,
Mater esse
Meruisti
regis et filia.

4a. Rubus urens
Non comburens,
Vas signatum,
Vas ditatum,
Vas imbutum
melle et balsamo.

4b. Non te Iacuit,
Dum procedit
Sol de stella,
Rex de cella,
Virginali

sponsus de thalamo.

5a. Fulgida Rachel,
Placens Israhel,
Teste Gabriel
Quam Emmanuel
Benedixit

in mulieribus.

5b. Aaron arida
Virga florida,
Luce sapida,
Stirpe gravida,
Lucem quae tu-
listi visceribus.

6a. Tu fecunda coeli rore
Coelum claudis utero,

6b. Tu fulgens amicta sole
Vertice stelligero,

7a. Clarior sideribus,
Pauperibus
Irradia,

7b, Draco jam praevaluit,
Convaluit
Injuria.

8a. Filia Sion,
Terra Babylon,
Spernens Gabaon,
Amon et Ammon,
Nulla dominetur
iniquitas.

8b. Spes humilium,
Fer auxilium,
Placa filium,
Post exsilium
Cedat exactoris
hostilitas.

9a. Tuti sumus te tutante,
Virgo potestatis tantae,
Dei ligans
omnipotentiam.

9b. Desperatis in peccatis
Natum natis placa gratis,
Meruisti

enim tu gratiam.