ANHANG I. LIEDER DES ESELS- ODER NARRENFESTES.

I. Das Fest von Sens.
Nach der Reform Pierres de Corbeil.

1.

In Januis ecclesiae.

Lux hodie lux laetitiae, me judice tristis
Quisquis erit, removendus erit solemnibus istis,
Sint hodie procul invidiae, procul omnia maesta
Laeta volunt, quicunque colunt asinaria festa.

2.

Conductus ad Tabulam.

1. Orientis partibus
Adventavit asinus,
Pulcher et fortissimus,
Sarcinis aptissimus.
Hez, Sir asne, hez!

2. Hic in sollibus Sichen
Enutritus sub Ruben
Transiit per Jordanem
Saliit in Bethlehem.
Hez, Sir asne, hez !

3. Saltu vincit hinnulos,

Dagmas et capreolos,

Super dromedarios

Velox Madianeos.
Hez, Sir asne, hez !
4. Aurum de Arabia,

Thus et myrrham de Saba

Tulit in ecclesia

Virtus asinaria.

Hez, Sir asne, hez !

5. Dum trahit vehicula
Multa cum sarcinula,
Illius mandibula
Dura terit pabula.
Hez, Sir asne, hez!

6. Cum aristis hordeum
Comedit et carduum,
Triticum a palea
Segregat in area.
Hez, Sir asne, hez !

7. Amen dicas, asine,
Jam satur de gramine,
Amen, amen itera,
Aspernare vetera.
Hez, Sir asne, hez !

3.

Lecta tabula incipit sacerdos.

1. Deus in adjutorium
Intende laborantium,
Ad doloris remedium
Festina in auxilium

2. In te, Christe, credentium
Miserearis omnium,
Qui es Deus in saecula
Saeculorum in gloria.

3. Ut chorus noster psallere
Possit et, laudes dicere
Tibi, Christi, rex gloriae,
Gloria tibi, Domine.

4.

Prosa.

1. Al 1 e -

2a. Resonent omnes
ecclesiae

2b. Cum dulci melo
symphoniae

3a. Filium Mariae,

3b. Genitricis piae,

4a. Ut nos septiformis
gratiae

4b. Repleat donis et
gloriae.

5. Unde Deo dicamus
-luja.

5.

Quatuor vel quinque in falso
retro altare:

Haec est clara dies, clararum clara dierum,
Haec est festa dies, festarum festa dierum,
Nobile nobilium rutilans diadema dierum.

Duo vel tres in voce
retro altare:

Salve festa dies, toto venerabilis aevo,
Qua Deus est ortus virginis ex utero.

6.

Versns cum organo.

Christus manes, quod erat,
Assumpsit, quod non erat,
Sine fine principium
Finem sumpsit spontaneum,
Ut per mortem mortis regnum
Terminaret in aeternum
Et ereptos jugo mortis
Nos ad dextram Dei patris
Collocaret in coelum.

Versiculus.
Duo vel tres:

la. Trinitas,
Deitas,
Unitas
Aeterna,

1b. Majestas,
Potestas,
Pietas
Superna.

2a. Sol lumen
Et numen,
Cacumen,
Semita,

2b. Lapis, mons,
Petra, fons,
Flumen, pons
Et vita.

3a. Tu sator,
Creator,
Amator,
Redemptor,
Salvator,
Luxque perpertua

3b. Tu nitor
Et decor,
Tu candor,
Tu splendor
Et odor,

Quo vivunt mortua.

4a. Tu vertex
Et apex,
Regum rex,
Legum lex
Et vindex,

Tu lux angelica.

4b. Quem clamant,
Adorant,
Quem laudant,
Quem cantant,
Quem amant
Agmina coelica.

5 a. Tu theos
Et heros,
Dives flos,
Vernans ros,
Rege nos,
Salva nos,
Perduc nos
Ad thronos
Superos

Et vera gaudia.

5b. Tu decus
Et virtus,
Tu justus
Et verus,
Tu sanctus
Et bonus,
Tu rectus
Et summus
Dominus,

Tibi sit gloria.

8.
Ad Benedicamus.

1. Corde patris genitus
Manens in principio,
Quaerens, quod perierat,
Parentis imperio,
Venit ad nos humilis
Ab axe sidereo,
Quem castis visceribus
Nuntiante angelo
Virgo mater edidit
Virginali utero,
Medicinam proferens
Pereunti saeculo.

Ipsi laus et honor
Atque jubilatio
Tempore perpetuo.
Quem pro mundi remedio
(ternis opertum pallio
Advenisse nuntiat
Angelorum concio,
Benedicamus Domino.

2. Super omnes alias
Benedicta feminas,
Tu praecellis ceteras
Ut sol stellas lucidas,
Ad te cuncti proprias
Deferunt miserias.
Imperatrix, placido
Vultu nos reficias,
Vultus tui radio
Pelle nostras tenebras.
Aures tuas, quaesumus,
Miseris fac patulas.
Suscipe nunc pia
Vota nostra, domina,
Clementer exaudias,
Felix inter puerperas,
Quae virgo partum bajulas,
Tibi laudes debitas
Atque laeti congruas
Referamus gratias.

9.

Ad Benedicamus.

1. Patrem parit filia,
Patrem, ex quo omnia,
Partus hic ex gratia.

Per gratiam
Traditus est reditus
Ad patriam.

2. Verbum instar seminis
Partum format virginis,
Nihil ibi criminis.

Per gratiam
Traditus est reditus

Ad patriam.

3. Latet sol in sidere,
Oriens in vespere,
Artifex in opere.

Per gratiam
Traditus est reditus

Ad patriam.

4. Celsus est in humili,
Solidus in fragili,
Figulus in tictili.

Per gratiam

Traditus est reditus

Ad patriam.

5. Venit ad nos humilis

Lucifer mirabilis,

Pro nobis passibilis.

Per gratiam
Traditus est reditus
Ad patriam.

6. Ergo nostra condo
Omni plena gaudio
Benedicat Domino.

Per gratiam
Traditus est reditus
Ad patriam.

10.

Conductus ad Laudes.

1. Natus est
Hodie Dominus,
Qui mundi
Diluit facinus.

Quem pater, factor omnium,
In hoc misit exsilium,
Ut facturam redimeret
Et paradiso redderet.

2. Nec, nec, nec,
Minuit quod erat
Assumens,
Quod non erat.
Sed carnis sumpto pallio
In virginis palatio
Ut sponsus de thalamo
Processit ex utero.