149.

R Mariam vox, Mariam cor,
Mariam sensus, mens, vigor,
Proclament hac in die
Et filium Mariae.

1. Plebs Domini, hac die
Laetamini, sed pie,
Laus virgini Mariae

Et cordibus

Et vocibus

Et actibus promatur.

2. Homo Deus est natus,
Homo reus renatus,
Judaeus est caecatus,
Rex parvulus,
Vas figulus,
Fons rivulus creatur.

8. Res agitur novella,
Sol oritur de stella,
Nec laeditur puella ;

Puella est,

Quae mater est,

Quod est, non est natura.

4. Infans subest papillae,
Sed Deus est et ille,
Rex puer est ancillae,
Rex aetheris
Sub pauperis
Mulieris est cura.

5. Sol nuntius diei,
Qui filius est Dei
Et radius par ei,
Quo tegitur,
Detegitur,
Fit igitur res mira.

6. Dum gratia subvenit,
In propria rex venit,
Opprobria invenit,

Omnipotens

Fit impotens,

O pia mens, respira.

7. Hoc zabulus explorat,
Hoc aemulus ignorat,
Hoc angelus adorat,

Hoc omnium

Ingenium

Non minimum miratur.

8. Hoc sobrie decanta,

Stirps gratiae, gens sancta,
Materie de tanta
Cum gaudio
Fit mentio,
Jam lectio legato.