200.

la. O quam formosa,

Quam decens, quam diligo,
Rubet ut rosa,
In qua visum figo.

Ib. Metro nec prosa

Parem se non ambigo,
Textu ut glosa
Laus, cui cor ligo.

2a. Candet plus quam lilium,
Formas vincit omnium,
In qua meum gaudium,
Pro qua genas rigo.

2b. O status amantium
Vota consequentium,
O meum Glycerium,
Pro te me affligo

3a. Mea pro te marcida facies,
Turpem facit macies,
Immo velle meum facies,
Spe longa cor aret.

3b. Mortis et spem vitae quaties,
In me telum jacies,
Hiems non, nix neque glacies
Me refrigidaret.

4a. Figo in te

oculorum acies,
Te diligo, foris paret.

4b. Intuitum

oculorum saties,
Cor deficit, cum te caret.

5a. O Deus, quid agam?
Jam plagam
Amoris
Jam foris

Monstro, tolero intus,
Fero mente vagam
Praesagam
Majoris
Doloris,

O qualis labyrinthus !

5b. Rursus porta serta
Deserta
Obscurant,
Obturant

Hedera, terebinthus
Sensus inexperta,
Incerta,
Quae curant,
Cor urant

Quatuor atque quintus.

6a. Tam est formae gratae
Famaecjue latae,

Nil delirum
Est hinc, hanc amare,
O regum natae

Omnes per gyrum,

6b. Talem nec, annatac,
Spectam putate,

Et quid mirum,
Si in veritate
Hac vehar rate,

Non novit virum.

7a. Haec est sole pulchrior
Et coelo perfectior,
Ista nusquam melior
Nec tam bona scitur.

7b. Credite, non mentior,
Res est dicto verior,
Solus hac praestantior
Deus invenitur.

8a. O nobilis,
Amabilis,

In te sensus mei,

8b. Placabilis,
Affabilis,
Esto memor mei.

9a. Da facilis
Me gracilis

A spe ad rem vehi,

9b. Praestabilis,
Laudabilis

Esto, mater Dei.

10a. O Maria,

Plena gratia,

10b. Couli via

Da coelestia.