355.

1. Mater summi domini,
Fratres, consolamini,
Salutem donat homini

Regina gloriosa.
Natum peperit,
Hostem conterit
Regina gloriosa,
Suavis et formosa,
R Pulchra facie,
Plena gratiae,

Laetare, virgo pia,
Theotocos Maria.

2. Matris summae filium
Populus gentilium
Adoret et non alium,
Qui lapsa reparavit,
Ovem perditam,
Lupo traditam,

Quam pastor liberavit
Et gregem deportavit.

3. Matri virginalia
Manent integralia,
Patrem genuit filia,

Genitrix genitorem ;
Praedam liberat,
Fortem superat
In manu fortioris,
Nostri mediatoris.

4. Matrem Christi colimus,
Virginem quam credimus,
Virginis natum vidimus,
Judaeis non videtur,
Nec invidia
Nec perfidia

Siuit, ut reveletur
Et velum auferetur.
R? Pulchra facie,
Plena gratiae,

Laetare, virgo pia,
Theotocos Maria.

5. Mater, sis cum filio

Miseris auxilio,

Damnatis in exsilio
Nobis propitiare,

Pulsis patria

Lucis atria

Tu pandere dignare
Per nostrum salutare.

6. Matre Deus editus
Homo fit divinitus,
Sic Deus homo creditus,
Mundi nefas delevit ;
Hanc paraclitus
Sanctus spiritus
Inhabitans replevit,
In ipsa requievit.