264.

1. Vale hortus, virgo, conclusus,
Coelitus perfusus
Ad usus
Reorum
Signatus fons hortorum,

Mala terge.
Sicut lilium inter spinas,
Sic inter divinas
Reginas
Candescis,
Maculam quoque nescis

In te culpae.
Egressa

Es ut virgo fiorida
De radice Jesse,
Progressa
Ut aurora rorida,
Ut luna non presse,
Pulchra indefesse,
Expresse
Electa,
Ut sol in via recta

Nos dirige.

2. Salve, mater, pro nobis ferens
Odia nil verens,
Sed terens
Serpentis
Caput, ad te clamantis

Preces sume.
Te ut urnam manna implevit,
Sic in te quievit,
Delevit
Qui mala
Nostra, tua sub ala

Nos protege.
Israel

Angelos ascendere
Per scalam conspexerat
In Bethel,

Cujus summa tangere
Coelum et adspexit,
Sic per te evexit,
Erexit
Ad caelos
Nos Deus, virgo, melos

Hoc suscipe.

3. Vale, mulier benedicta,
Sole jam amicta,
Depicta
Corona,
Bis sex stellarum dona

In capite.
Varietate circum data,
Veste deaurata
Ornata,
Adstando
Dei dexterae, calcando

Lunam pede.
Virgula

Fumi es aromatum
Myrrhae atque thuris,
Regula

Es sanorum dogmatum,
Liquet hoc figuris,
Pulchris in figuris
Naturis
Monstrata,
Precamur, o beata,

Miserere.