181.

1. O mira creatura,

Tam magna tam pusilla,
Mater et virgo pura,

Regina et ancilla,
Amica, sponsa, filia

Et soror creatoris,
Electa super milia,

Flos matrum, mater floris.
R Dulcissima Maria,

Adesto nobis, quia
Clamamus, mater pia,

Concordi melodia,
In patria

Et in via.

2. O insignis puella,

Te signant signis miris
Aurora, luna, stella,

Sol, galaxia, Iris,
Mons, virga, rubus, oculus,

Fons imbri, nubes roris,
Dux, arca, porta, poculus

Et navis institoris.

3. O socia fidelis,

Adjutrix indefessa,
In terris et in caelis

Es cuncta supergressa,
In mulierum acie

Quod laudis, quod honoris,
Quod virtutis, quod gratiae,

Fers intus, profers foris.
R Dulcissima Maria,

Adesto nobis, quia
Clamamus, mater pia,

Concordi melodia
In patria

Et in via.

4. Rebeccam, Ruth, Rachelem,

Judith et Thecuitem,
Cum Debora Jaelem,

Hesther et Sunanitem,
Susannam, Annam, Mariam,

Quae praecinebat choris,
Excedit multifariam

Excessibus valoris.

5. Fortiter super fortes

Triumphum da jucundum,
Tres supera cohortes,

Carnem, Satan et mundum ;
IIos mentis adversarios

Refrena tuis loris,
Ne per insultus varios

Nos vincant mortis horis.