198.

Planctus Mariae Virginis.

la. Flete, fideles animae,
Flete, sorores optimae,
Ut sint multiplices
Doloris indices
Planctus et lacrimae.

Ib. Fleant materna viscera
Mariae matris vulnera,
Materno doleo,
Quae dici soleo
Felix puerpera.

2a. Triste spectaculum
Crucis et lanceae
Clausum signaculum
Matris virgineae
Profunde vulnerat ;
Hoc est, quod dixerat,
Quod prophetaverat
Senex praenuntius,
Hic ille gladius,

Qui me transverberat.

2b. Dum caput cernuum,
Dum spinas capitis,
Dum plagas manuum
Cruentis digitis
Supplex suspicio,
Sub hoc supplicio
Tota deficio,
Dum vulnus lateris,
Dum locus vulneris
Est in profluvio.

3a. Ergo quare, fili care,
Pendes ita, cum sis vita

Vivens ante saecula?
Rex coelestis, pro scelestis
Alienas solvis poenas,

Agnus sine macula?

3b. Munda cavo, mundo cara,
Cur in crucis ares ara

Pro peccatis hostia?
Cur in ara crucis ares,
Caro, quae peccato cares,

Caro culpae nescia?

4a. O mentes perficias

et linguas duplices
Et testes subdolos

ac falsos judices,
Senes cum junioribus
Solent majoribus
Criminibus

Damnati
Ferre stipendium
Suspendium

Peccati.

4b. A damnatis is

damnatur innocens
Explens, quod expedit,

quod decet, edocens,
Fremunt auctores criminum
Et viri sanguinum
In Dominum

Salutis
Zelo nequitiae
Sub specie

Virtutis.

5a. Mi Johannes, planctum move,
Plange rciecum, fili nove,
Fili novo foedere
Matris et materterae,
Tempus est lamenti;
Immolemus intimas
Lacrimarum victimas
Christo morienti.

5b. Salutaris noster Jesus,

Captus, tractus, vinctus, caesus
Et illusus alapis
A gehennae satrapis,
Auctor verae lucis,
Dies nocte clauditur,
Vita mortem patitur,

Mortem autem crucis.

6 a. Hac in vita sum invita,
Hoc in malo mori malo,
Fili mi, dum reprimi
Vel exprimi
Nequit aestus animi

Dolentis,
Tantis malis eximi
Volentis.

6b. Scelus terrae coelum terret,
Terrae motus terret motus
Impios nefarios,
Qui gladios
In sanctorum filios

Allidunt
Et te, Christe hagios,
Occidunt.