365. De sancta Paula.

Ad Vesp. et Noct.

1. Paula coeli imperium
Attulit scandens bravium,
Multaque passa incommoda
Nunc regnat in coelestia.

2. Radices quinque prodidit,
De quibus virgo Eustochium
Cohortes rexit virginum
Magnum struens coenobium.

3. Paula, matrona nobilis,
Romae nitens divitiis,
Exemplum praestans omnibus,
Omnia dat pauperibus.

4. Carbasa tendens aequore
Dum parat Jesum quaerere,
Sprevit clamantes litore
Filios gravi vulnere.

5. Artus vestivit nobiles
Sic vestis una ignobilis,
Ut eam quisque crederet
Ex ancillarum numero.

6. Jesu sequens vestigia
Pauperes Christi coelica
Pavit ex sibi deditis,
Egens ipsa cibariis.

7. Latine, Graece loquitur,
Psalmos cantando jugiter,
Plangens peccata vilia,
Reparat illa gratia.

8. Uni trinoque Domino
Laudes solvamus debitas,
Ut Paulae sanctis precibus
Nostra laxet facinora.